మైనర్ బాలికపై ఏడాది కాలం లైంగిక దాడి.. తల్లిదండ్రులకు తెలియడంతో..

ఒక ఏడాది పాటు ఈ అఘాయిత్యానికి సంబంధించిన వీడియోను చూపిస్తూ బ్లాక్ మెయిల్ చేశారు. 2021 ఏప్రిల్ నెలలో బాలిక బంధువైన రంగనాథ్ బైక్ పై నిర్మానుష్య ప్రాంతానికి తీసుకెళ్లి మత్తుమందిచ్చాడు. ఆ పై లైంగిక దాడికి పాల్పడి దానిని తన ఫోన్లో రికార్డ్ చేసి నలుగురు స్నేహితులకు ఫోన్ చేశాడు. వీడియో చూపించి బ్లాక్ మెయిల్ చేస్తూ.. నలుగురూ పలుమార్లు అఘాయిత్యానికి ఒడిగట్టారు. కొద్దిరోజులకు బాలికలో మార్పుని గమనించిన తల్లిదండ్రులు తిరుచ్చిలోని ఓ వ్యక్తికి ఇచ్చి వివాహం జరిపించారు.

బాలికకు మైనార్టీ తీరకుండా వివాహం జరిపించినట్లు తెలుసుకున్న బాలల హక్కుల సంఘం.. ముసిరి పోలీసులకు సమాచారమిచ్చి బాలికలను బాలల సంరక్షణ కేంద్రానికి తరలించారు. ఈ క్రమంలో బాలిక పై లైంగిక దాడికి పాల్పడిన వీడియో వాట్సప్ లో వైరల్ అయింది. రంగనాథ్ స్నేహితుల్లో ఒకరు ఆ వీడియోను షేర్ చేయగా.. రంగనాథ్ కు స్నేహితులకు మధ్య గొడవజరిగింది. మరోవైపు బాలిక ఫిర్యాదు మేరకు పోలీసులు కేసు నమోదు చేసుకుని.. రంగనాథన్, మణికందన్, గణేష్ లను పోలీసులు అరెస్ట్ చేశారు. మరో ఇద్దరి కోసం పోలీసులు గాలిస్తున్నారు.