ర్యాడిసన్ హోటల్ లైసెన్సు రద్దు చేసిన ఎక్సైజ్ శాఖ

ర్యాడిసన్ హోటల్ 24 గంటలు లిక్కర్ సప్లై చేసేందుకు 2బీ బార్‌ అండ్‌ రెస్టారెంట్‌ అనుమతి తీసుకుంది. అందుకు రూ.56 లక్షల ట్యాక్స్ కూడా చెల్లించింది. హోటల్ లో పబ్ నిర్వహిస్తూ.. అడ్డగోలుగా డ్రగ్స్ దందా చేస్తున్నట్లు బయటపడటంతో ఎక్సైజ్ శాఖ వాటి లైసెన్సును రద్దు చేసింది. ఈ కేసులో పలువురు వీఐపీల పిల్లలు ఉండటంతో.. తెలుగు రాష్ట్రాల్లో సంచలనం సృష్టించింది. మరోవైపు డ్రగ్స్ కేసుపై మంత్రి శ్రీనివాస్ గౌడ్ ఆగ్రహం వ్యక్తం చేశారు. ఇకపై ఎవరైనా డ్రగ్స్ కేసులో పట్టుబడితే వదిలేది లేదని హెచ్చరించారు. పుడింగ్ అండ్ మింక్ వ్యవహారంలో ప్రభుత్వం కఠిన చర్యలు తీసుకుంటుందని పేర్కొన్నారు.