ఆర్టీసీ బస్సులో మహిళపై డ్రైవర్ అత్యాచారయత్నం

వివరాల్లోకి వెళ్తే.. బుధవారం అర్థరాత్రి మహిళ ఆర్టీసీ బస్సులో నెల్లూరు నుంచి విజయవాడకు వస్తోంది. ఆమెపై డ్రైవర్ కన్నుపడింది. కామంతో కళ్లుమూసుకుపోయిన ఆ డ్రైవర్.. సమయంచూసి మహిళపై అత్యాచారం చేసేందుకు ప్రయత్నించాడు. ఆమె తీవ్రంగా ప్రతిఘటించడంతో..దారుణంగా హింసించాడు. రెండుగంటల పాటు తన వికృత చేష్టలతో పశువులా ప్రవర్తించాడు. ఆఖరికి తోటి ప్రయాణికుడి సహాయంతో భర్తకు ఫోన్ చేయగా.. అతను అప్రమత్తమై తాను పనిచేసే సంస్థకు సమాచారం అందించాడు. కారులో తన సిబ్బందితో బస్టాండుకు వచ్చి భార్యను కామాంధుడి చెర నుంచి రక్షించి, డ్రైవర్ ను ఆర్టీసీ అధికారులకు అప్పగించారు. కాగా.. ఈ ఘటనలో పోలీసులు కేసు నమోదు చేశారా? ఏపీఎస్ ఆర్టీసీ సంస్థ సదరు డ్రైవర్ పై ఎలాంటి చర్యలు తీసుకుంది ? అన్న విషయాలు తెలియరాలేదు.