షార్ట్ సర్క్యూట్.. ఆరుగురి సజీవదహనం

నిద్రిస్తున్న వారు లేచి చూసేసరికి.. క్షణాల్లోనే మంటలు ఇల్లంతా వ్యాపించాయి. లోపల భార్య, పిల్లల అరుపులు విన్న భర్త, అత్తమామలు స్థానికులతో కలిసి కాపాడే ప్రయత్నం చేసినా ఫలితం దక్కలేదు. మంటల తీవ్రత ఎక్కువగా ఉండటంతో లోపలికి వెళ్లలేకపోయారు. ఘటనా ప్రాంతానికి చేరుకున్న ఫైర్ సిబ్బంది మంటలను అదుపుచేసి వారందరినీ బయటికి తీసుకొచ్చారు. కానీ అప్పటికే అందరూ మరణించారు. మృతులు సంగీత, బాబు(1), గీత(2), రీత(3), లక్ష్మిణ (9), అంకిత్ (10)లుగా గుర్తించారు. ఈ ఘటనపై సీఎం యోగిఆదిత్యనాథ్ దిగ్భ్రాంతి చెందారు. బాధిత కుటుంబాన్ని ఆదుకుంటామని హామీ ఇచ్చారు. ఒక్కొక్కరికి రూ.4 లక్షల చొప్పున రూ.24 లక్షల ఆర్థిక సహాయాన్ని అందజేయనున్నట్లు తెలిపారు.