డ్రాగన్ కంట్రీకి పాము విషాన్ని తరలిస్తున్న వ్యక్తి అరెస్ట్.. దాని విలువ ఎంతో తెలుసా ?

ఫ్రాన్స్ దేశం నుంచి వయా భారత్ మీదుగా చైనాకు అక్రమంగా పాము విషాన్ని తరలిస్తున్న ఓ వ్యక్తిని అటవీశాఖ అధికారులు రెడ్ హ్యాండెడ్ గా పట్టుకున్నారు. అతని నుండి ఏకంగా రెండున్నర కేజీల పాము విషాన్ని స్వాధీనం చేసుకున్నారు. ఈ విషం విలువ దాదాపు రూ.30 కోట్లు ఉంటుందని అధికారులు తెలిపారు. ఫన్సిడేవా ప్రాంతంలో సోదాలు జరిపిన అటవీ శాఖ అధికారులు శనివారం రాత్రి రెండున్నరకేజీల విషాన్ని గుర్తించారు. నిందితుడు పశ్చిమ బెంగాల్ లోని ఉత్తర దినాజ్పూర్ జిల్లాలోని ఖురాయి ప్రాంతంలో నివసిస్తున్న మహమ్మద్ సరాఫత్ గా గుర్తించారు.