నటి సౌమ్యశెట్టి.. బంగారం దొంగగా మారింది

ప్రముఖ సోషల్ మీడియా ఇన్‌ఫ్లుయెన్సర్, నటి సౌమ్యశెట్టిని పోలీసులు అరెస్టు చేశారు. విశాఖపట్నంలోని రిటైర్డ్ పోస్టల్ ఉద్యోగి జనపాల్ ప్రసాద్ బాబు ఇంట్లో దొంగతనానికి పాల్పడ్డారు. సౌమ్యశెట్టి ఏకంగా కిలో బంగారం దోచుకున్నట్లు సమాచారం. విశాఖపట్నం పోలీసులు తెలిపిన వివరాల ప్రకారం.. సౌమ్య నాలుగు వేర్వేరు సందర్భాల్లో చోరీకి పాల్పడి ఆ తర్వాత దొంగిలించిన బంగారంతో గోవాకు వెళ్లి ఎంజాయ్ చేసింది. ఆమె దొంగిలించిన నగలను విక్రయించింది.. గోవాలో ఉంటూ సోషల్ మీడియాలో పోస్ట్ లను చేస్తూ ఉండేది. ఈ కేసును విచారించిన విశాఖ క్రైం పోలీసులు రిటైర్డ్ పోస్టల్ ఉద్యోగి ఇంట్లో చోరీకి పాల్పడింది మరెవరో కాదని సోషల్ మీడియా ఇన్‌ఫ్లుయెన్సర్ సౌమ్యశెట్టి అని తేల్చారు. సౌమ్యను అరెస్టు చేసి రిమాండ్‌కు తరలించారు. ఆమె ది ట్రిప్, యువర్స్ లవింగ్లీ మొదలైన కొన్ని తెలుగు సినిమాలలో నటించింది.