ప్రాణం తీసిన కబడ్డీ.. ఇంటర్ విద్యార్థి మృతి

తోటి స్నేహితులతో ఓ విద్యార్థి సరదాగా కబడ్డీ ఆడగా.. అదే అతని పాలిట శాపమైంది. కబడ్డీ ఆడుతుండగా.. ప్రమాద వశాత్తూ తలకు గాయమవ్వడంతో విద్యార్థి మృతి చెందిన సంఘటన మహబూబాబాద్ జిల్లా దంతాలపల్లి మండలం పెద్దముప్పారం గ్రామంలో చోటుచేసుకుంది. వివరాల్లోకి వెళ్తే.. పెద్దముప్పారం గ్రామంలో ఐలయ్య - మంజుల దంపతులు నివాసముంటున్నారు. కుమారుడు సంతోష్ హసన్ పర్తి మండలంలోని జయగిరి శివారులో ఉన్న బీసీ సంక్షేమ గురుకుల కళాశాలలో ఇంటర్ ఫస్ట్ ఇయర్ చదువుతున్నాడు. ఈ నెల 8వ తేదీన సంతోష్ తాను చదువుతున్న కాలేజీ ఆవరణలో తోటి మిత్రులతో కలిసి కబడ్డీ ఆడాడు.