షిర్డీ ఎక్స్‌ప్రెస్‌ లో దొంగల బీభత్సం

మహారాష్ట్రలోని పర్భణి స్టేషన్ శివారులో సిగ్నల్ కోసం షిర్డి - కాకినాడ ఎక్స్‌ప్రెస్‌ రైలు ఆగింది. ఇదే అదనుగా భావించిన దోపిడీ దొంగలు వెంటనే ఎస్ 2 బోగి నుంచి ఎస్ 11 బోగీ వరకూ మహిళల మెడలో బంగారాన్ని దోచుకున్నారు. వారి నుంచి పెద్ద మొత్తంలో బంగారాన్ని దోచుకుని వెళ్లారని తెలిసింది. బాధితులు అరిచేందుకు ప్రయత్నించగా వారిని బెదిరించి మరీ దోచుకు వెళ్లారు. దీనిపై మహిళలు పర్భణి రైల్వే స్టేషన్ లో పోలీసులకు ఫిర్యాదు చేశారు. దొంగలను పట్టుకునేందుకు రైల్వే పోలీసులు ప్రయత్నిస్తున్నారు.