తల్లీ-కూతురు జంట హత్యల కేసులో పురోగతి

ఆంధ్రప్రదేశ్ లోని ప్రకాశం జిల్లా టంగుటూరులో జరిగిన తల్లీ కూతుళ్ల జంట హత్యలు స్థానికంగా కలకలం రేపాయి. మృతులు జలదంకి శ్రీదేవి(43), వెంకట లేఖన(21)ల ఒంటిపై ఉన్న సుమారు 20 సవర్ల బంగారు ఆభరణాలను దుండగులు అపహరించుకుపోయినట్లుగా గుర్తించిన పోలీసులు.. కేసు నమోదు చేసి దర్యాప్తు ప్రారంభించారు. ఈ దర్యాప్తులో భాగంగా నలుగురు సభ్యుల ముఠాను మహారాష్ట్రలోని షోలాపూర్ పోలీసులు అదుపులోకి తీసుకున్నట్లుగా తెలుస్తోంది. తల్లీ కూతుళ్ల హత్యల కన్నా ముందు నవంబర్ 19వ తేదీన ఇంకొల్లు మండలం పూసపాడు సమీపంలో వృద్ధ దంపతులు కూడా దారుణ హత్యకు గురయ్యారు. ఆ ఘటనలో దుండగులు వృద్ధురాలి చెవిని కోసి మరీ బంగారు కమ్మలను ఎత్తుకెళ్లినట్లు స్థానిక పోలీసులు గుర్తించారు.