జగిత్యాలలో కారుప్రమాదం విషాదాంతం.. ఇద్దరు మృతి

సోమవారంరాత్రి వెల్లుల్ల వైపుగా వెళ్తున్న కారు ఉన్నట్లుండి మిస్సయింది. మెట్ పల్లి ఎంట్రీపాయింట్ వద్ద ఉన్న సీసీ కెమెరాలో కారు వెల్లుల్ల వైపుగా వెళ్తున్నట్లు గుర్తించిన పోలీసులు.. ఆ కారు గ్రామానికి చేరుకోలేదని తెలుసుకున్నారు. దీంతో కారు ఆచూకి కోసం వెతుకగా.. కాకతీయ కాల్వ సమీపంలో కారు సైడ్ మిర్రర్స్ పడి ఉన్నాయి. దాంతో కారు కాల్వలో పడిపోయి ఉంటుందని గ్రహించి.. వెంటనే శ్రీరాం సాగర్ నుంచి వచ్చే నీటిని ఆపివేసి, సహాయక చర్యలు ప్రారంభించారు. భారీ క్రేన్ సహాయంతో కారును నీటిలోంచి బయటికి తీసి, రెండు మృతదేహాలను పోస్టుమార్టం కు తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.