ఏదైనా ఉంటే మాట్లాడుకుని సమస్యలను పరిష్కరించుకోవాలి. అంతేకానీ ఇష్టమొచ్చినట్లు తిట్టడం, కొట్టడం సంసారంలో ఒక భాగం కాదు. ముఖ్యంగా ఆడవాళ్లను తొక్కేయాలని అనుకునే మగవాళ్లు ఎంతో మంది ఉన్నారు. వాళ్లను కేవలం వంటింటికే పరిమితం చేయాలని అనుకునే మగాళ్లు ఒకప్పుడే కాదు ఇప్పుడు కూడా ఉన్నారు. భార్యలు ఉద్యోగం చేస్తే ఎక్కడ తమను సమాజంలో చులకనగా చూస్తారేమోనని కూడా భావిస్తూ ఉంటారు ఇంకొందరు. భార్యలు ఉద్యోగం చేస్తే కుటుంబం ఆర్థికంగా బాగుంటుందనే విషయాన్ని మరచి పశువులా ప్రవర్తించిన వ్యక్తి ఇప్పుడు కటకటాలపాలయ్యాడు.
కేరళ రాష్ట్రంలోని తిరువనంతపురంలో 27 ఏళ్ల వ్యక్తి తన భార్యను కొట్టి, ఆ ఘటనను చిత్రీకరించి, సోషల్ మీడియాలో వైరల్ చేసినందుకు అరెస్టు చేశారు. దిలీప్ అనే నిందితుడిని అతని భార్య ఫిర్యాదు మేరకు మలయిన్‌కీజు పోలీసులు అరెస్టు చేశారు. తన ఇష్టానికి విరుద్ధంగా ఉద్యోగం కోసం వెళ్తోందని భార్యను దిలీప్ కొట్టాడు. వీడియోలో, దిలీప్ తన భార్యను దారుణంగా కొట్టినట్లు అంగీకరించడం వినవచ్చు. అప్పు తీర్చేందుకే ఉద్యోగం కోసం వెళ్తున్నానని భార్య చెప్పింది. అతడి టార్చర్ ను భరించలేక ఆమె ఉద్యోగం మానేయడానికి అంగీకరించింది. వైరల్ వీడియోలో ఆమె ముఖం నుండి రక్తస్రావం కనిపిస్తుంది. వీడియో చివర్లో దిలీప్ తన భార్య ఇక పనికి వెళ్లదని చెప్పాడు. ఈ ఘటన తర్వాత అతని భార్య మలయంకీజు పోలీసులకు ఫిర్యాదు చేసింది. దీని ఆధారంగా దిలీప్‌ను అరెస్టు చేశారు. పోలీసులు అతడిని జ్యుడీషియల్ కస్టడీకి తరలించారు. అతనిపై సెక్షన్ 307 (హత్య ప్రయత్నం), 498 (A) (ఒక మహిళ యొక్క భర్త లేదా బంధువు ఆమెను క్రూరత్వానికి గురి చేయడం), 323 (స్వచ్ఛందంగా గాయపరిచినందుకు శిక్ష), 324 (ప్రమాదకరమైన ఆయుధాలతో స్వచ్ఛందంగా గాయపరచడం లేదా అంటే), భారతీయ శిక్షాస్మృతిలోని 294 (B) (ఏదైనా అశ్లీల పాట, పదాలు, ఏదైనా బహిరంగ ప్రదేశంలో లేదా సమీపంలో పాడటం, పఠించడం లేదా పలకడం) కింద కేసులు నమోదు చేశారు.