సాయం చేస్తామని కారులో మహిళ, ఆమె కూతుర్ని ఎక్కించుకున్నారు.. దారుణం

ఉత్తరాఖండ్ రాష్ట్రంలో దారుణం చోటు చేసుకుంది. సాయం పేరుతో మానవ మృగాలు ఓ తల్లీ, ఆమె ఆరేళ్ల కుమార్తెపై వెళుతున్న కారులోనే అత్యాచారానికి పాల్పడ్డారు. ఒక వ్యక్తి, అతని స్నేహితులు కదులుతున్న కారులో ఒక మహిళ.. ఆమె ఆరేళ్ల కుమార్తెపై సామూహిక అత్యాచారానికి పాల్పడ్డారని పోలీసులు ఆదివారం తెలిపారు. ఈ దారుణ ఘటన ఉత్తరాఖండ్‌లోని హరిద్వార్‌లోని రూర్కీలో చోటుచేసుకుంది. పిరాన్ కలియార్ నుండి తన 6 ఏళ్ల కుమార్తెతో ప్రయాణిస్తున్న మహిళ, రాత్రి సమయంలో సోను అనే వ్యక్తి లిఫ్ట్ ఆఫర్‌ను అంగీకరించినట్లు పోలీసులు తమ నివేదికలో తెలిపారు. అప్పటికే ఆ వ్యక్తి స్నేహితులు కొందరు కారులో ఉన్నారని సూపరింటెండెంట్ ఆఫ్ పోలీస్ (రూరల్) ప్రమేంద్ర దోవల్ తెలిపారు. దుండగులపై దాఖలైన ఫిర్యాదు ప్రకారం, సోను, అతని సహచరులు కదులుతున్న కారులో మహిళ, ఆమె కుమార్తెపై అత్యాచారం చేసి కాలువ దగ్గర పడేశారు. అయితే ఆ మహిళ అర్ధరాత్రి పోలీస్ స్టేషన్‌కు చేరుకుని తనకు జరిగిన దారుణాన్ని వివరించింది.