ఫ్యాక్ట్ చెక్: క్రిస్టియానో రొనాల్డో తన ఇంట్లో డాక్టర్ బీఆర్ అంబేద్కర్ ఫోటోను పెట్టుకోలేదు
పోర్చుగల్‌లోని సావో పెడ్రోలో జన్మించిన క్రిస్టియానో రొనాల్డో ఫుట్‌బాల్ కెరీర్‌ లో ఎన్నో సంచలనాలు సృష్టించాడు. చిన్న వయసులోనే రొనాల్డో అద్భుతాలు సృష్టించాడు. గొప్ప ప్లేయర్ గా ఎదిగే తరుణంలో ఎన్నో గొప్ప జట్లకు కూడా ప్రాతినిధ్యం వహించాడు.
Ronaldo
పోర్చుగల్‌లోని సావో పెడ్రోలో జన్మించిన క్రిస్టియానో రొనాల్డో ఫుట్‌బాల్ కెరీర్‌ లో ఎన్నో సంచలనాలు సృష్టించాడు. చిన్న వయసులోనే రొనాల్డో అద్భుతాలు సృష్టించాడు. గొప్ప ప్లేయర్ గా ఎదిగే తరుణంలో ఎన్నో గొప్ప జట్లకు కూడా ప్రాతినిధ్యం వహించాడు. మాంచెస్టర్ యునైటెడ్ ఫుట్‌బాల్ క్లబ్‌లో చేరాక అతడి పేరు మారుమ్రోగి పోయింది. 2009లో రియల్ మాడ్రిడ్ అతనిని 80 మిలియన్ యూరోలకు జట్టులోకి తీసుకుంది. దీంతో అతన్ని అత్యంత ఖరీదైన ఆటగాడిగా చరిత్రలో నిలిచిపోయేలా చేసింది ఆ డీల్. అతను తర్వాత జువెంటస్, మాంచెస్టర్ యునైటెడ్ వంటి క్లబ్‌లకు మారాడు. ఇప్పుడు అల్ నాసర్ అనే క్లబ్‌లో కూడా ఆడుతున్నాడు.
ఇక క్రిస్టియానో రొనాల్డో తన యూట్యూబ్ ఛానెల్ UR క్రిస్టియానోను ప్రారంభించి సోషల్ మీడియాలో అనేక రికార్డులను బద్దలు కొట్టాడు. అతను సోషల్ మీడియా ప్లాట్‌ఫారమ్‌లలో 1 బిలియన్ మార్క్‌ను చేరుకుని, యూట్యూబ్‌లో అత్యంత వేగంగా ఆ రికార్డును సొంతం చేసుకున్న సెలబ్రిటీ అయ్యాడు.
ఇంతలో క్రిస్టియానో రొనాల్డో తన కుటుంబంతో ఉన్న ఫోటో సోషల్ మీడియాలో వైరల్‌గా మారింది. చిత్రం డిన్నర్ టేబుల్ వద్ద కుటుంబం కూర్చున్నట్లు చూపిస్తుంది. బ్యాక్‌గ్రౌండ్‌లో, గదిలో గోడకు తగిలించి ఉంచిన డాక్టర్ బిఆర్ అంబేద్కర్ ఫోటో ఫ్రేమ్‌ని మనం చూడవచ్చు.
ప్రముఖ ఫుట్‌బాల్ ఆటగాడు క్రిస్టియానో రొనాల్డో భీమ్‌రావ్ అంబేద్కర్ అనుచరుడని చెబుతూ వినియోగదారులు ఈ చిత్రాన్ని షేర్ చేస్తున్నారు. రొనాల్డోకు అంబేద్కర్‌కు ఎలాంటి సంబంధం ఉంది అనే వ్యంగ్య కథనంతో కూడిన చిత్రాన్ని X వినియోగదారు షేర్ చేశారు.
ఫ్యాక్ట్ చెకింగ్:
వైరల్ అవుతున్న వాదనలో ఎలాంటి నిజం లేదు. ఫుట్‌బాల్ ప్లేయర్ రొనాల్డో ఇంటి గోడకు వేలాడుతున్న డాక్టర్ బిఆర్ అంబేద్కర్ చిత్ర ఫ్రేమ్‌ను చూపుతున్న వైరల్ చిత్రం మార్ఫింగ్ చేశారు. మేము గూగుల్ రివర్స్ ఇమేజ్ సెర్చ్‌ని ఉపయోగించి వైరల్ ఇమేజ్ కోసం సెర్చ్ చేయగా ఒరిజినల్ ఇమేజ్‌లో డాక్టర్ బిఆర్ అంబేద్కర్ ఫోటో ఫ్రేమ్ లేదని మేము కనుగొన్నాము. చిత్రం 2020 సంవత్సరానికి చెందినది, కోవిడ్-19 లాక్‌డౌన్ సమయంలో తీసిన ఫోటో.
ఏప్రిల్ 2020లో latestly.com ప్రచురించిన కథనంలో ఈ చిత్రం భాగస్వామ్యం చేశారు. కరోనావైరస్ మహమ్మారి కారణంగా ఫుట్‌బాల్ కార్యకలాపాలను నిలిపివేసిన తరువాత, పోర్చుగల్ ఫుట్‌బాల్ ఆటగాడు రొనాల్డో, అతని కుటుంబం ఇతరులకు దూరంగా ఉండాలని నిర్ణయించుకున్నారు.
ఏప్రిల్ 2020లో 'అందరికీ ఈస్టర్ శుభాకాంక్షలు' అనే శీర్షికతో రొనాల్డో స్వయంగా షేర్ చేసిన X పోస్ట్‌ను కూడా మేము కనుగొన్నాము.
ప్యూర్‌పీపుల్ అనే వెబ్‌సైట్‌లో కూడా అసలు చిత్రం పోస్ట్ చేశారు. ‘ఏప్రిల్ 2020లో క్రిస్టియానో రొనాల్డో, అతని భాగస్వామి జార్జినా రోడ్రిగ్జ్, పిల్లలు, పోర్చుగల్ లోఇంటికే పరిమితమయ్యారు’ అనే శీర్షికతో షేర్ చేశారు.
D-intent Data ఈ చిత్రాన్ని ఎడిట్ చేశారని X ద్వారా తెలిపింది. ఈ చిత్రం డిజిటల్‌గా మార్చారని ప్రకటించారు. వాస్తవం: పోర్చుగీస్ ఫుట్‌బాల్ ఆటగాడు క్రిస్టియానో రొనాల్డో తన కుటుంబంతో కలిసి భోజనం చేస్తున్నప్పుడు, డా. అంబేద్కర్ చిత్రం వెనుక వైపు ఉన్న డిజిటల్‌గా ఎడిట్ చేసిన చిత్రం నిజమైనదిగా భాగస్వామ్యం చేశారు. అసలు నిజం ఏమిటంటే, ఈ చిత్రం డిజిటల్‌గా ఎడిట్ చేశారు. వాస్తవికతతో సంబంధం లేదు.
ఉద్దేశం: సోషల్ మీడియాలో స్పాట్‌లైట్ పొందడానికి క్రిస్టియానో రొనాల్డో చిత్రాలను వైరల్ చేస్తున్నారు.
అందువల్ల, వైరల్ ఇమేజ్ ను ఎడిట్ చేశారు. ఒరిజినల్ ఇమేజ్‌లో అంబేద్కర్ ఫోటో ఉండదు. వైరల్ వాదన తప్పు.
Claim : ఫుట్‌బాల్ ప్లేయర్ క్రిస్టియానో రొనాల్డో ఇంట్లో గోడకు డాక్టర్ బి.ఆర్ అంబేద్కర్ ఫోటోను ఉంచారు.
Claimed By : Social media users
Fact Check : False