ఫ్యాక్ట్ చెక్: భారత్-చైనా దేశాల మధ్య శాంతి ఒప్పందం తర్వాత చైనా సైనికులు జై శ్రీరామ్ నినాదాలు చేయలేదు

భారత్, చైనా దేశాల మధ్య ఇటీవలి కాలంలో ఉద్రిక్తతలు కాస్త సద్దుమణిగాయి. వాస్తవ నియంత్రణ రేఖ (ఎల్‌ఏసీ) దగ్గర ఇరు దేశాల నుంచి బలగాల ఉపసంహరణ చేసుకోడానికి సిద్ధమయ్యాయి. దీనికి సంబంధించి భారత్-చైనా దేశాలు ప్రకటనలను విడుదల చేశాయి. ఒప్పందం ప్రకారం ఇరు దేశాల సైన్యాలు తమ సైనికులను వెనక్కు రప్పిస్తున్నాయి.

తూర్పు లడఖ్‌లో రెండు సైన్యాల మధ్య ప్రతిష్టంభనకు ముగింపు పలికేందుకు భారత్‌తో ఒప్పందం కుదుర్చుకున్న చైనా ఆ దిశగా అడుగులు వేస్తూ ఉంది. భారత్-చైనా దేశాల మధ్య ఇటీవల చర్చలు జరిగాయి, ఇరు దేశాల సరిహద్దులో నెలకొన్న సమస్యలపై చర్చించారు. ఎల్ఏసీ వద్ద ఉన్న సమస్యలు పరిష్కారమయ్యాయని, తాజా ప్రతిపాదనను అమలు చేసేందుకు చైనా ఇండియాతో కలిసి పనిచేస్తున్నట్లు చైనా కూడా స్పష్టం చేసింది.

ఉపసంహరణ ప్రక్రియ పూర్తయిన తర్వాత, రెండు దేశాల పెట్రోలింగ్ ప్రారంభమవుతుంది. ఇరు దేశాలు తాత్కాలిక నిర్మాణాలను ఇప్పటికే ధ్వంసం చేశాయి. డెమ్‌చోక్, దేప్సాంగ్ పాయింట్ల వద్ద ఒప్పందం కుదిరింది. ఇతర ప్రాంతాలకు సంబంధించి ఇంకా చర్చలు కొనసాగుతున్నాయి. అక్టోబరు 28-29 నాటికి డెమ్‌చోక్, దేప్సాంగ్ నుండి భారత్ – చైనా దళాలు పూర్తిగా వెనక్కి తగ్గుతాయని ఆర్మీ వర్గాలు తెలిపాయి.

ఇంతలో చైనా-భారత్ సైనికుల మధ్య ఓ స్నేహపూర్వక భేటీకి సంబంధించిన విజువల్స్ వైరల్ అవుతూ ఉన్నాయి. అందులో భారత్ ఆర్మీ చైనా ఆర్మీతో జై శ్రీరామ్ అని చెప్పిస్తూ ఉండగా, చైనా సైన్యం జై శ్రీరామ్ అంటూ నినాదాలు చేయడం చూడొచ్చు. అయితే ఈ వీడియో ఇటీవల రికార్డు చేసిందంటూ పలువురు సోషల్ మీడియా యూజర్లు చెబుతున్నారు.

చైనా సైన్యం ఇటీవలి శాంతి చర్చల అనంతరం జై శ్రీరామ్ అంటూ నినాదాలు చేసిందంటూ పోస్టులను వైరల్ చేస్తున్నారు.