ఫ్యాక్ట్ చెక్: కేసీఆర్ కనబడుట లేదు అంటూ హైదరాబాద్ మెట్రో పిల్లర్ల మీద పోస్టర్లు ఉంచలేదు

తెలంగాణ రాష్ట్రంలో ఇటీవల పలు ప్రాంతాలను వరదలు ముంచెత్తిన సంగతి తెలిసిందే. అయితే ఇలాంటి పరిస్థితుల్లో మాజీ సీఎం కేసీఆర్ బయటకు రాలేదని, బాధితులకు అండగా లేరంటూ విమర్శలు వస్తున్నాయి. భారీ వర్షాలు, వరదలతో తెలంగాణలో విపత్తు జరిగినా కేసీఆర్ ఇంతవరకు స్పందించలేదని.. కనీసం సోషల్ మీడియాలో కూడా పోస్ట్ పెట్టలేదని ఆరోపణలు ఉన్నాయి. ఈ నేపథ్యంలో కేసీఆర్ కు వ్యతిరేకంగా హైదరాబాద్ లో పోస్టర్లు వెలిశాయి. ఈ పోస్టర్లను ఎవరు అతికించారనే విషయం బయటకు రాలేదు.

"రెండుసార్లు అధికారం ఇచ్చిన ప్రజలు వరదల్లో నానా ఇబ్బందులు పడుతుంటే పత్తాలేని ప్రతిపక్ష నేత కేసీఆర్" అంటూ పోస్టర్లలో ఉంది.

అయితే ఏకంగా మెట్రో పిల్లర్ కు ఉన్న అడ్వర్టైజ్మెంట్ బోర్డు మీద 'కేసీఆర్ కనబడుట లేదు' అనే పోస్టర్లు ఉన్నాయని కొన్ని మీడియా సంస్థలు కథనాలను ప్రచురించాయి. అలాగే పలువురు సోషల్ మీడియా వినియోగదారులు కూడా పోస్టర్ ను తమ తమ అకౌంట్లలో షేర్ చేశారు.

పలు న్యూస్ పోర్టల్స్ మెట్రో పిల్లర్ పై కేసీఆర్ కనుబడుటలేదు అనే పోస్టర్లను వార్తా నివేదికల్లో భాగంగా ప్రచురించాయి.

https://trinethramnews.in/kcr-is-not-visible-posters-in-hyderabad/

సెప్టెంబర్ 4, 2024న వన్ ఇండియా వెబ్ సైట్ కథనంలో కూడా మెట్రో పిల్లర్ వద్ద ఉన్న పోస్టర్ ను కథనంలో ఉంచారు.

https://telugu.oneindia.com/news/telangana/kcr-missing-a-riot-of-posters-in-hyderabad-402207.html

ఇంగ్లీష్ వెబ్సైట్ హన్స్ ఇండియాలో కూడా ఇదే పోస్టర్ ను ప్రముఖంగా వాడారు. పోస్టర్లలో కేసీఆర్ చిత్రంతో పాటు “కేసీఆర్‌కు రెండు దఫాలు అధికారం ఇచ్చిన ప్రజలు వరదల వల్ల అనేక ఇబ్బందులు పడుతున్నారు, కానీ కేసీఆర్ ఎక్కడా కనిపించడం లేదు” అనే ప్రకటన కూడా ఉందని కథనంలో తెలిపారు. ఇటీవల రాష్ట్రంలో కురుస్తున్న భారీ వర్షాలు, వరదల కారణంగా అనేక ప్రాంతాలు దెబ్బతిన్నాయి. ముఖ్యంగా ఖమ్మం జిల్లాలో ఎన్నడూ లేని విధంగా వరదలు వచ్చాయని, ఈ వరదలపై ఒక్కసారి కూడా స్పందించని మాజీ సీఎం కేసీఆర్‌పై ముఖ్యమంత్రి రేవంత్‌రెడ్డి సహా అధికార పార్టీ నేతలు విమర్శలు గుప్పించారని హన్స్ ఇండియా కథనంలో ఉంది.

https://www.thehansindia.com/telangana/kcr-missing-posters-surface-in-city-904570