ఫ్యాక్ట్ చెక్: స్టార్ గుర్తు ఉన్న 500 రూపాయల నోట్లను బ్యాంకుల్లో తీసుకోవడం లేదనే వాదనలో ఎలాంటి నిజం లేదు.

మార్కెట్ లోకి ఎప్పుడైనా కొత్త నోట్లు వచ్చాయంటే చాలు కొందరు ఆ నోట్లను చాలా విచిత్రంగా చూస్తూ ఉంటారు. నోట్ల రద్దు జరిగిన తర్వాత 2000 రూపాయల నోటు మార్కెట్లోకి రాగానే ఎంత హంగామా చేశారో ప్రత్యేకంగా చెప్పాల్సిన అవసరం లేదు. ఆ తర్వాత 2000 రూపాయల నోటును రద్దు చేసిన తర్వాత ఎంతో మంది షాక్ అయ్యారనుకోండి.

మే 19, 2023న, 2,000 రూపాయల కరెన్సీ నోట్లను ఉపసంహరించుకోవాలని RBI సంచలన నిర్ణయాన్ని ప్రకటించింది. నాణ్యతాపరమైన ఆందోళనలు, నవంబర్ 2016 డీమోనిటైజేషన్ తర్వాత ప్రవేశపెట్టిన ఈ నోట్ల ఉద్దేశ్యాన్ని నెరవేర్చడంతో 2000 రూపాయల నోట్లను వెనక్కు తీసుకోవాల్సి వచ్చిందని రిజర్వ్ బ్యాంక్ ఆఫ్ ఇండియా ప్రకటించింది. రద్దు చేసినప్పటికీ 2,000 నోట్లు చట్టబద్ధమైన టెండర్‌గా కొనసాగుతున్నాయని, వాటిని ఆర్బీఐ కి చెందిన 19 కార్యాలయాల్లో భౌతికంగా మార్చుకోవచ్చని, బ్యాంక్ ఖాతాల్లోకి క్రెడిట్ కోసం పోస్ట్ ద్వారా పంపవచ్చని సెంట్రల్ బ్యాంక్ అప్పట్లో తెలిపింది.

సెప్టెంబర్ 2024లో రిజర్వ్ బ్యాంక్ ఆఫ్ ఇండియా చేసిన ప్రకటన ప్రకారం 2,000 నోట్లలో 97.96% బ్యాంకింగ్ వ్యవస్థకు తిరిగి వచ్చినట్లు తెలిపింది. రూ.2,000 నోట్లను ఉపసంహరించుకుంటున్నట్లు మే 19, 2023న ప్రకటించే సమయానికి మార్కెట్లో రూ.3.56 లక్షల కోట్ల విలువైన రూ.2,000 నోట్లు ఉండగా, సెప్టెంబర్ నెల నాటికి రూ.7,261 కోట్లకు తగ్గిందని RBI తెలిపింది.

ప్రస్తుతం భారతదేశంలో అందుబాటులో ఉన్న అధిక విలువైన నోటు 500 రూపాయలు మాత్రమే. ఇక ఈ నోట్లను ఎప్పటికప్పుడు మార్కెట్ అవసరాలను బట్టి రిజర్వ్ బ్యాంక్ ఆఫ్ ఇండియా ముద్రిస్తూ వస్తూ ఉంటుంది.

తాజాగా 500 రూపాయల నోటుకు సంబంధించి ఓ వార్త వైరల్ అవుతూ వస్తోంది.
"*గుర్తు ఉన్న 500 నోట్లు మార్కెట్‌లో చలామణిలోకి వచ్చాయి. అలాంటి నోటు ఇండస్‌ఇండ్ బ్యాంక్ నుండి తిరిగి వచ్చింది. ఇది నకిలీ నోటు.
ఈ రోజు కూడా ఒక కస్టమర్ నుండి 2-3 అటువంటి నోట్లను స్వీకరించారు, కానీ వెంటనే దానిని తిరిగి ఇచ్చారు. ఈ నోటు ఉదయం ఎవరో ఇచ్చారని కస్టమర్ కూడా చెప్పాడు.
మార్కెట్‌లో నకిలీ నోట్లతో తిరిగే వారి సంఖ్య పెరిగింది.
జాగ్రత్త అందరిలో అవగాహన కల్పించడానికి మరియు ఎల్లప్పుడూ అప్రమత్తంగా ఉండటానికి దయచేసి ఈ సందేశాన్ని ఇతర సమూహాలు & స్నేహితులు & బంధువులకు ప్రసారం చేయండి." అంటూ పోస్టులను పెడుతూ ఉన్నారు.