ఫ్యాక్ట్ చెక్: సుప్రీం కోర్టు ఈవీఎంలను బ్యాన్ చేస్తూ ఎలాంటి నిర్ణయం తీసుకోలేదు.

ఫిబ్రవరి 15, 2024న ఐదుగురు న్యాయమూర్తులతో కూడిన సుప్రీంకోర్టు రాజ్యాంగ ధర్మాసనం.. ఎలక్టోరల్ బాండ్ పథకం రాజ్యాంగ విరుద్ధమని ప్రకటించింది. కేంద్ర ప్రభుత్వం తీసుకొచ్చిన ఎలక్టోరల్‌ బాండ్ల పథకాన్ని వెంటనే రద్దు చేస్తూ సుప్రీం కోర్టు తీర్పునిచ్చింది. ఎలక్టోరల్‌ బాండ్ల జారీని వెంటనే ఆపేయాలని.. ఈ బాండ్ల కోసం IT చట్టంలోనూ, ప్రజాప్రాతినిథ్య చట్టంలోనూ చేసిన సవరణలు రాజ్యాంగ విరుద్ధమని చీఫ్‌ జస్టిస్‌ డీవై చంద్రచూడ్‌ వివరించారు. ఎలక్టోరల్ బాండ్లు రాజ్యాంగ విరుద్దమని స్పష్టం చేసింది. రాజ్యాంగంలోని ఆర్టికల్ 19(1)(ఎ) ప్రకారం సమాచార హక్కును ఉల్లంఘించినట్లు ధర్మాసనం భావించింది.