ఫ్యాక్ట్ చెక్: అనుష్క శర్మ రెండో బిడ్డతో ఉన్న ఫోటో అంటూ వైరల్ అవుతున్న పోస్టుల్లో నిజం లేదు

దక్షిణాఫ్రికా మాజీ కెప్టెన్, ఆర్సీబీ ఆటగాడు AB డివిలియర్స్ తన YouTube ఛానెల్‌లో Q&A సెషన్‌లో మాట్లాడుతూ విరాట్ కోహ్లీ, అనుష్క శర్మ తమ రెండవ బిడ్డ కోసం ఎదురుచూస్తున్నారని వెల్లడించారు.

ఇంతలో, కొన్ని యూట్యూబ్ ఛానెల్‌లు ఈ జంటకు రెండవ బిడ్డ కలిగిందని, అనుష్క శర్మ తన బిడ్డతో ఉన్న చిత్రాన్ని సోషల్ మీడియాలో పోస్టు చేశారు. ఆ ఫోటోలలో మగబిడ్డ ఉన్నాడు.

వైరల్ అవుతున్న వాదనలో ఎలాంటి నిజం లేదు. వైరల్ పోస్టులలో పంచుకున్న చిత్రం పాతది.. మార్ఫింగ్ చేశారు.

విరాట్ కోహ్లి, అనుష్క శర్మలు రెండో బిడ్డకు జన్మనివ్వబోతున్నారనే విషయాన్ని దక్షిణాఫ్రికా మాజీ క్రికెటర్ ఎబి డివిలియర్స్ వెల్లడించినప్పటికీ, గర్భం దాల్చినట్లు ఎటువంటి ఇతర ప్రకటనలు లేదా నివేదికలు లేవు.

డివిలియర్స్ తన యూట్యూబ్ ఛానెల్‌లోని ప్రశ్నోత్తరాల సెషన్‌లో ఓ అభిమాని ఇంగ్లండ్‌తో జరిగిన మొదటి రెండు టెస్ట్‌ల నుండి వైదొలిగిన తర్వాత కోహ్లీని సంప్రదించారా.. అతను చివరి మూడు మ్యాచ్‌లకు తిరిగి వచ్చే అవకాశం ఉందా అని ప్రశ్నించారు. డివిలియర్స్ కోహ్లీతో జరిపిన చాట్ ను చదవడం ప్రారంభించాడు, ఆ సమయంలో భారత మాజీ కెప్టెన్ విరాట్ కోహ్లీ, అతని భార్య అనుష్క తమ రెండవ బిడ్డ కోసం ఎదురుచూస్తున్నారని డీవిలియర్స్ ధృవీకరించాడు. 

విరాట్ కోహ్లీ కుటుంబానికి ప్రాధాన్యత ఇస్తాడని డివిలియర్స్ వెల్లడించాడు. చాలా మంది ప్రాధాన్యత కుటుంబమే అని నేను అనుకుంటున్నానని కూడా డివిలియర్స్ వివరించాడు.

మేము యూట్యూబ్ వీడియోలలో ఉపయోగించిన అనుష్క శర్మ చిత్రాన్ని సెర్చ్ చేశాం.. ఆ చిత్రం అనుష్క శర్మది కాదని గుర్తించాం. 2021 సంవత్సరంలో బబితా ఫోగట్ కు సంబంధించిన ఫోటో అని మేము కనుగొన్నాము. భారత రెజ్లర్ బబితా ఫోగట్, ఆమె భర్త వివేక్ సుహాగ్ ఒక మగబిడ్డను తల్లిదండ్రులు అయ్యారనేది వార్త. ఈ చిత్రం అనేక వార్తా నివేదికలలో ప్రచురించారు.

అనుష్క శర్మ పిల్లాడిని పట్టుకొని ఉన్న చిత్రం మార్ఫింగ్ చేశారు. విరాట్ కోహ్లీ, అనుష్క శర్మలకు ఇప్పటికే రెండో బిడ్డ పుట్టిందన్న వార్తలు అవాస్తవం. వైరల్ అవుతున్న వాదనలో ఎలాంటి నిజం లేదు.