ఫ్యాక్ట్ చెక్: జాగ్రత్త, ప్రభుత్వం ఉచితంగా ల్యాప్ టాప్ లు ఇవ్వడం లేదు..!

Claim: URGENT, Government giving FREE laptop to all the students of india. Register your name on Gov-Laptops Site to get FREE laptop now. To check eligibility visit https://bit.ly/3RApR0r

ఫ్యాక్ట్ చెకింగ్:

ఈ ప్రచారంలో ఎటువంటి నిజం లేదు. ఈ మెసేజ్ వాట్సాప్‌లో వేగంగా సర్క్యులేట్ అవుతూ.. వైరల్ అవుతోంది. ఈ లింక్ ను మా బృందం తనిఖీ చేసినప్పుడు, మెసేజీ లోని లింక్ వెబ్‌సైట్‌కి వెళుతుందని, ఖచ్చితంగా ప్రభుత్వ సైట్ కాదని మేము కనుగొన్నాము. విద్యార్థులందరికీ ఉచిత ల్యాప్‌టాప్‌ల గురించి ప్రభుత్వం నుండి అధికారిక ప్రకటన రాలేదు.

వైరల్ మెసేజీ ప్రకారం.. భారతదేశంలో అర్హత కలిగిన విద్యార్థులకు ప్రభుత్వం ఉచిత ల్యాప్‌టాప్‌లను అందిస్తోంది. విద్యార్థులు తమను రిజిస్టర్ చేసుకోవడానికి, వారి అర్హతను తనిఖీ చేయడానికి దానిపై క్లిక్ చేయమని అడుగుతూ 'బిట్లీ' లింక్ ఇవ్వబడింది.

మీరు బిట్లీ లింక్‌పై క్లిక్ చేసినప్పుడు, అది మమ్మల్ని బ్లాగ్‌స్పాట్ సైట్‌కి దారి మళ్లిస్తుంది. ఆ సైట్ ప్రభుత్వ సైట్‌ కాదని మేము గుర్తించాం.

మేము క్రింద పేర్కొన్న వెబ్‌సైట్‌లోకి వచ్చాము.

https://indiaedulaaptops.blogspot.com/

ఇది ప్రభుత్వ వెబ్ సైట్ కాదు. ఏదైనా ప్రభుత్వ సంబంధిత సమాచారం gov.inతో ముగిసే అధికారిక సైట్‌లో పోస్ట్ చేయబడుతుందనే విషయం మీరు గుర్తించాలి. విద్యార్థులను మరింత తప్పుదారి పట్టించేందుకు వెబ్‌సైట్ లో ఇంటరాక్టివ్ ఇమేజ్‌ని కలిగి ఉంది, అది విద్యార్థులను వారి పేరు, అర్హతను నమోదు చేయమని అడుగుతుంది. మీరు వివరాలను నమోదు చేసినప్పుడు ఈ లింక్‌ను వాట్సాప్‌లో మరో ఐదుగురికి షేర్ చేయమని విద్యార్థులను అడుగుతుంది.

ఇలా వాట్సాప్‌లో ఈ సందేశం వైరల్ అవుతోంది.

ఉచిత ల్యాప్‌టాప్ కోసం రిజిస్టర్ చేసుకోగలిగే ప్రభుత్వ సైట్‌కు తీసుకుని వెళ్తామని చెబుతున్నా.. అందులో ఎటువంటి నిజం లేదు. ఈ బ్లాగ్‌స్పాట్ సైట్ ప్రజలను వారి పేరు, వివరాలను తెలుసుకోడానికి ప్రోత్సహిస్తోంది. అలా చేయడానికి ఈ లింక్ ను వాట్సాప్‌లో మరో ఐదుగురికి సందేశాన్ని పంచుకోవాలని కూడా అడుగుతున్నారు.