ఫ్యాక్ట్ చెక్: అయోధ్యరాముడిని దుర్భాషలాడిన NCP ఎమ్మెల్యే జితేంద్ర అవ్హాద్ ను కొట్టారంటూ వైరల్ అవుతున్న వాదనలో ఎలాంటి నిజం లేదు

ఒక వ్యక్తిని కొంతమంది ప్రజలు ఇష్టం వచ్చినట్లు కొడుతున్న ఓ వీడియో సోషల్ మీడియాలో వైరల్ అవుతూ ఉంది. సోషల్ మీడియా ప్లాట్‌ఫారమ్ X లో ఆ వీడియో ఇటీవల వైరల్‌గా మారింది. ఒక ఈవెంట్‌లో ప్రజలు ఒక వ్యక్తిపై దాడి చేస్తున్నారని అందులో తెలిపారు. చాలా మంది సోషల్ మీడియా వినియోగదారులు దెబ్బలు తిన్న వ్యక్తి NCP ఎమ్మెల్యే జితేంద్ర అవ్హాద్ అని పోస్టులు పెట్టారు. హిందువుల మనోభావాలను దెబ్బతీసే వ్యాఖ్యలు చేసినందుకు గానూ జితేంద్రపై ప్రజలు దాడి చేశారని వైరల్ పోస్టుల్లో పేర్కొన్నారు. రాముడు మాంసాహారి అంటూ జితేంద్ర ఇటీవల చేసిన వ్యాఖ్యలు తీవ్ర వివాదాస్పదమయ్యాయి.