ఫ్యాక్ట్ చెకింగ్: ఎర్రవల్లి ఫామ్ హౌస్ వద్ద సింహాల గుంపు కనిపించిందనే వాదన నిజం కాదు

సుప్రీంకోర్టు జోక్యం తర్వాత తెలంగాణ ప్రభుత్వం హైదరాబాద్ విశ్వవిద్యాలయ ప్రాంగణానికి సమీపంలో 400 ఎకరాల భూమిలో కూల్చివేతలను ఆపేశారు. సమస్యలను పరిష్కరించడానికి ఒక మంత్రివర్గ ప్యానెల్‌ను ఏర్పాటు చేసింది. విశ్వవిద్యాలయ ప్రాంగణానికి సమీపంలో ఉన్న కంచ గచ్చిబౌలి భూమి చుట్టూ ఉన్న వివాదాన్ని పరిష్కరించే లక్ష్యంతో ఈ కమిటీ HCU కార్యనిర్వాహక మండలి, విద్యార్థులు, పౌర సమాజ సంఘాలు, ఇతర వాటాదారులతో చర్చలు నిర్వహించనుంది.

కంచ గచ్చిబౌలి వేలాది చెట్లకు నిలయం.700 కంటే ఎక్కువ వృక్ష జాతులు ఇక్కడ ఉన్నాయి. 237 పక్షి జాతులు, మచ్చల జింకలు, అడవి పందులు, భారతీయ నక్షత్ర తాబేళ్లు, బల్లులు, భారతీయ రాక్ పైథాన్‌ల వంటి పాములు వంటి అడవి జంతువులు ఇక్కడ ఉంటున్నాయి. వీటిలో కొన్ని జాతులు అరుదైన జీవుల లిస్టులో ఉన్నాయి.

బుల్డోజర్లను చూసి అడవి జంతువులు పొరుగున ఉన్న నివాస ప్రాంతాలలోకి వస్తున్నాయని పేర్కొంటూ అనేక వీడియోలు, చిత్రాలు సోషల్ మీడియాలో వైరల్‌గా షేర్ అవుతున్నాయి. వీటిలో కొన్ని AI ద్వారా సృష్టించగా, మరికొన్ని సందర్భం లేకుండా ఉపయోగించిన పాత వీడియోలు.

రాత్రిపూట రోడ్డు పక్కన సింహాల గుంపు పరిగెత్తుతున్నట్లు చూపించే ఒక వీడియో వైరల్ అవుతూ ఉంది, ఈ వీడియోలో బుల్డోజర్ల వల్ల చెదిరిపోయిన తర్వాత ఆశ్రయం కోసం ఎరవల్లి ఫామ్‌హౌస్, జన్వాడ ఫామ్‌హౌస్ వైపు సింహాలు పరిగెత్తుతున్నట్లు చూపిస్తుందనే వాదనతో పోస్టు చేస్తున్నారు.

వైరల్ పోస్టుకు సంబంధించిన ఆర్కైవ్ లింక్ ను ఇక్కడ చూడొచ్చు. 

ఫ్యాక్ట్ చెక్: ఎర్రవల్లి ఫామ్ హౌస్ వద్ద సింహాల గుంపు కనిపించిందనే వాదన నిజం కాదు

వైరల్ అవుతున్న వాదనలో ఎలాంటి నిజం లేదు.

ఈ వీడియో హైదరాబాద్‌కు సంబంధించినది కాదు. దీనిని గుజరాత్‌లోని అమ్రేలి జిల్లాలోని కోవాయ గ్రామంలో చిత్రీకరించారు.

వైరల్ వీడియో నుండి కీఫ్రేమ్‌లను తీసుకుని గూగుల్ రివర్స్ ఇమేజ్ సెర్చ్ ఉపయోగించి వెతకగా, నవంబర్ 2024లో కొన్ని గుజరాతీ మీడియా సంస్థలు ప్రచురించిన అదే వీడియోను మేము కనుగొన్నాము.

గుజరాతీ కేసరి అనే ఫేస్‌బుక్ పేజీ గుజరాతీలో “સિંહના પણ ટોળા હોય!:રાજુલાના કોવાયા નજીક 12 સિંહનું ગ્રુપ રસ્તા પરથી પસાર થતું જોવા મળ્યું #gir #girlion #girsafari #gujarat #girgujarat #today #todayviral #viralvideo” on November 11, 2024. When translated, the post states that “There are herds of lions too!: A group of 12 lions was seen passing by the road near Rajula's Kovaya #gir #girlion #girsafari #gujarat #girgujarat #today #todayviral #viralvideo” అనే వాదనతో పోస్టు చేశారు.

గుజరాతీలో ప్రచురించిన వార్తా నివేదిక కూడా ఇదే వీడియోను షేర్ చేసింది.

న్యూస్ 18 గుజరాతీ - ప్రకారం, అమ్రేలి జిల్లాలో సింహాల వీడియోలు తరచుగా సోషల్ మీడియాలో వైరల్ అవుతున్నాయి. సోషల్ మీడియాలో సింహాల సమూహానికి సంబంధించిన ఓ వీడియో వైరల్ అవుతోంది. రాజులా-గిర్ సోమనాథ్ జాతీయ రహదారిపై బజరంగ్ పెట్రోల్ పంప్ సమీపంలో రికార్డు చేసిన ఈ వీడియో సోషల్ మీడియాలో వైరల్ అవుతోంది. దాదాపు 10 సింహాలు రోడ్డు దాటి అడవి వైపు వెళ్తున్నాయి. ఈ సంఘటనకు సంబంధించిన వీడియో సోషల్ మీడియాలో వైరల్ అవుతోంది.

అమ్రేలి జిల్లాలో సింహాల సంఖ్య గణనీయంగా పెరిగింది. అమ్రేలి జిల్లాలోని 11 తాలూకాలలో సింహాల కుటుంబాలు నివసిస్తున్నాయి. అమ్రేలి, జునాగఢ్, గిర్ సోమనాథ్, భావ్‌నగర్ జిల్లాల్లో సింహాలు ఎక్కువగా ఉన్నాయి. సింహాలు ఎక్కువగా గిర్ పంథక్‌లో కనిపిస్తాయి. రాత్రిపూట వేటాడేందుకు గ్రామీణ ప్రాంతాలలోకి వస్తుంటాయి. ఆ సమయంలో, దాదాపు 10 సింహాలు రోడ్డు దాటుతున్న వీడియోను ఒక వాహన డ్రైవర్ తన కెమెరాలో బంధించాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. ఈ వీడియో రాజులా సమీపంలోని బజరంగ్ పెట్రోల్ పంప్ నుండి వచ్చిందని నివేదించారు.

రోడ్డు పక్కన పరిగెత్తుతున్న సింహాల బృందాన్ని చూపించే వైరల్ వీడియో హైదరాబాద్ లేదా తెలంగాణకు చెందినది కాదు. గుజరాత్‌లోని అమ్రేలి జిల్లాకు సంబంధించిన వీడియో. ఇక్కడ సింహాలు చాలా సాధారణంగా కనిపిస్తూ ఉంటాయి. వైరల్ అవుతున్న వాదన అబద్దం.