ఫ్యాక్ట్ చెక్: మహిళలు మద్యం సేవిస్తున్నట్లు చూపుతున్న వీడియో తెలంగాణలో చోటు చేసుకున్నది.. తమిళనాడుకు చెందినది కాదు

“तमिलनाडु: परिवार में महिलाओं की महत्वपूर्ण भूमिका होती हैं। अगर महिलाएं ऐसी होंगी तो बच्चों का पालन-पोषण कैसे होगा।“ అంటూ హిందీలో పోస్టులు పెట్టారు.
మహిళలు కుటుంబాలలో కీలక పాత్ర పోషిస్తారు. అలాంటిది మహిళలే ఇలా ఉంటే.. ఇక పిల్లలను ఎలా పెంచుతారు అంటూ పోస్టుల ద్వారా విమర్శలు గుప్పించారు.

ఫ్యాక్ట్ చెకింగ్:

వైరల్ అవుతున్న వాదన తప్పుదోవ పట్టిస్తూ ఉంది. వైరల్ వీడియో తెలంగాణకు సంబంధించినది.. తమిళనాడుకు చెందినది కాదు.

మేము వీడియో నుండి సంగ్రహించిన కీలక ఫ్రేమ్‌లను ఉపయోగించి గూగుల్ సెర్చ్ చేయగా 'బంజారా అశ్విత' అనే యూట్యూబ్ ఛానెల్‌లో అప్‌లోడ్ చేసిన వీడియోను కనుగొన్నాము. 
రీల్స్ రూపంలో ఈ వీడియోను పోస్టు చేశారు. అక్టోబర్ 25, 2023న వీడియోను పోస్టు చేశారు. 'దసరా దావత్' అనే క్యాప్షన్ ఉంచారు. నిడివి ఎక్కువ ఉన్న వీడియోను నవంబర్ 4, 2023న అప్లోడ్ చేశారు.

ఈ వీడియోలతో పాటు, మేము ఛానెల్‌లో ఇతర వీడియోలను కూడా పరిశీలించాము.

ఈ మహిళలు స్థానిక గీతాలకు నృత్యం చేస్తున్నట్లు చూపించే మరొక వీడియో మాకు కనిపించింది. 

ఈ యూట్యూబ్ ఛానల్ తెలంగాణలోని నాగర్‌కర్నూల్‌లోని ఒక చిన్న గ్రామానికి చెందిన బంజారా అశ్విత అనే మహిళకు చెందినది. ఆమె బంజారా అనే తెగకు చెందినవారు. స్థానిక సంప్రదాయాలు, సంస్కృతిని చూపిస్తూ ఈ ఛానెల్‌లో అనేక వీడియోలను అప్లోడ్ చేశారు.

మద్యం సేవిస్తూ విందులో పాల్గొన్న మహిళల గుంపుకు సంబంధించిన వీడియో తెలంగాణ రాష్ట్రానికి చెందినది. తమిళనాడుకు సంబంధించినది కాదు. వైరల్ అవుతున్న వాదన ప్రజలను తప్పుదోవ పట్టిస్తూ ఉంది.