ఫ్యాక్ట్ చెక్: వైరల్ అవుతున్న వీడియోలో ఉన్నది సూపర్ స్టార్ రజనీకాంత్ కాదు.. కోచి కి చెందిన సుధాకర్ ప్రభు

ఈ వీడియోలో ఉన్నది రజనీకాంత్ అనే ప్రచారం జరుగుతూ ఉంది.

“Down to earth, The Great Rajnikant ji. #sistylo #viral #rajnikanth” అంటూ వైరల్ చేస్తున్నారు.

“గుర్తుపట్టలేనంతగా మారిపోయిన సూపర్ స్టార్ రజినికాంత్” అంటూ వీడియోను వైరల్ చేశారు.

తమిళ్ సూపర్ స్టార్ రజనీకాంత్ వీడియో అంటూ తమిళ భాషలో కూడా పోస్టులు పెట్టారు.

Full View

ఫ్యాక్ట్ చెకింగ్:

వైరల్ అవుతున్న వాదనలో ఎటువంటి నిజం లేదు. సూపర్‌స్టార్ రజనీకాంత్‌తో పోలికతో ఉన్న వ్యక్తి కొచ్చిన్‌కు చెందిన టీ అమ్మే వ్యక్తి.

NDTV.com ప్రకారం, ఇండియన్ సూపర్ స్టార్ రజనీకాంత్ లాంటి వ్యక్తికి సంబంధించిన వీడియో సోషల్ మీడియాలో వైరల్ గా మారింది. ఫోర్ట్ కొచ్చిలోని పట్టాలం రోడ్‌లో టీ దుకాణం నడుపుతున్న సుధాకర్ ప్రభు అనే వ్యక్తికి సంబంధించిన వీడియో ఇది. లెజెండరీ నటుడితో పోలిక ఉండడంతో ఇంటర్నెట్‌లో ఈ వీడియో ట్రెండింగ్‌ గా మారింది. వైరల్ అవుతున్న ఈ వీడియోలో ప్రభు, ఒక షార్ట్- షర్ట్ ధరించి కనిపించాడు. రజనీకాంత్ వ్యవహారశైలిని అనుకరిస్తూ కొంతమంది వ్యక్తులతో మాట్లాడటం చూడొచ్చు.

news 18.com ప్రకారం వైరల్ వీడియోలో రజనీకాంత్ కు ఆ వ్యక్తికి అసాధారణమైన పోలికలు ఉన్నాయని పేర్కొంది. క్లిప్ సోషల్ మీడియాలో వైరల్ కావడంతో ప్రజలు షాక్ అయ్యారు. రజనీకాంత్ లుక్ గురించి కచ్చితమైన సమాచారం లేదు. పోస్ట్ కు సంబంధించిన కామెంట్ల ప్రకారం, ఆ వ్యక్తి కొచ్చిన్‌కు చెందిన టీ అమ్మే వ్యక్తి అని.. సూపర్ స్టార్‌ రజనీ కాంత్ తో పోలికలు ఉండడంతో ఆ ప్రాంతంలో బాగా పాపులారిటీని సంపాదించుకున్నాడని తెలుస్తోంది.

wionews ప్రకారం, రజనీకాంత్‌ పోలికలతో ప్రభు ఉన్నారని మలయాళ నటుడు-దర్శకుడు నాదిర్షా గమనించారు. సినిమా షూటింగ్ కోసం ఫోర్ట్ కొచ్చిలో ఉన్న నాదిర్షా టీ అమ్మే వ్యక్తిని గమనించారు. ప్రభు చిత్రాన్ని షేర్ చేసి.. ఆయన సూపర్ స్టార్ రజనీకాంత్ లాగా ఉన్నా టీ షాప్ లో పని చేస్తున్నారని తెలిపారు.

ఆయన ట్వీట్ ను ఇక్కడ మీరు చూడొచ్చు.

వైరల్ వీడియోలో తమిళ సూపర్ స్టార్ రజనీకాంత్‌ కాదు. కేరళకు చెందిన సుధాకర్ ప్రభుకి సంబంధించినది. వైరల్ అవుతున్న వాదనలో ఎలాంటి నిజం లేదు.