ఝార్ఖండ్ ఎమ్మెల్యేల బాధ్యత పొన్నం ప్రభాకర్ కే

ఈరోజు ఝార్ఖండ్ ముఖ్యమంత్రిగా చంపై సోరెన్ ప్రమాణ స్వీకారం చేశారు. పది రోజుల్లోగా బలాన్ని నిరూపించుకోవాలని గవర్నర్ ఆదేశించారు. ఈ పదిరోజుల్లో అక్కడే ఉంటే వారిని ప్రలోభపెడతారని భావించి ఎమ్మెల్యేలందరినీ హైదరాబాద్‌కు తరలించారు. తెలంగాణలో కాంగ్రెస్ ప్రభుత్వం ఉండటంతో వారికి రక్షణ తోపాటు ఎలాంటి ఇబ్బందులు ఉండవని భావించి ఇక్కడకు తరలించారు. ఈ నెల 5వ తేదీన చంపై సోరెన్ బలపరీక్షకు సిద్ధపడే అవకాశాలుండటంతో ఆరోజు ఇక్కడి నుంచి బయలుదేరి ఎమ్మెల్యేలు వెళ్లనున్నారు.