మా పప్పీ తప్పిపోయింది.. తెచ్చిపెట్టాలంటూ పంజాగుట్ట పోలీస్ స్టేషన్ లో ఫిర్యాదు

తాజాగా పంజాగుట్ట పోలీస్ స్టేషన్ లో ఓ కుక్క పిల్ల తప్పిపోయిందనే కంప్లయింట్ నమోదైంది. తాము అల్లారుముద్దుగా పెంచుకున్న కుక్క పిల్ల పప్పీ కనిపించకుండా పోయిందని పంజాగుట్ట పోలీస్ స్టేషన్ లో దాని యజమాని ఫిర్యాదు చేశారు. అమీర్ పేట నాగార్జున నగర్ కు చెందిన దంపతులు తమ రెండు నెలల పప్పీ ఇంటి బయటకు రాగా ఎవరో గుర్తు తెలియని వ్యక్తులు తీసుకొని వెళ్లారు అంటూ ఫిర్యాదులో పేర్కొన్నారు. ఇందుకు సంబంధించిన సీసీటీవీ ఫుటేజీలను సైతం పోలీసులకు అందజేశారు. కేసు నమోదు చేసుకుని దర్యాప్తు జరుపుతున్నారు పోలీసులు.