TG Number Plates: తెలంగాణలో ఈ ఫ్యాన్సీ నంబర్ల కోసం తెగ ఎగబడ్డారండోయ్!!
ఫ్యాన్సీ టీజీ నంబర్ ప్లేట్లను వేలం పాట వేయగా సికింద్రాబాద్‌ ఆర్‌టీఓకు
ఫ్యాన్సీ టీజీ నంబర్ ప్లేట్లను వేలం పాట వేయగా సికింద్రాబాద్‌ ఆర్‌టీఓకు ఏకంగా 18.28 లక్షల రూపాయలు వచ్చాయి. అనేక నంబర్ ప్లేట్లు వేలం వేయగా మూడు ఫ్యాన్సీ నంబర్లు లక్షల రూపాయలకు అమ్ముడుపోయాయి. TG 10 9999 నంబర్ ప్లేట్‌ను రూ. 6,00,999కి అమ్మారు. దానిని కొనుగోలు చేసేందుకు ఐదుగురు పోటీదారులు ఒకరిపై ఒకరు పోటీ పడ్డారు. నంబర్ ప్లేట్లు, 10A 0001 కు రూ. 3.60 లక్షలు రాగా.. 10A 0009 నెంబర్ ఏకంగా 2.61 లక్షలకు అమ్ముడుపోయింది. ఈ లాట్ లో భాగంగా ‘TG-10A-0005’ నెంబర్ ప్లేట్ కేవలం రూ. 51,500కి మాత్రమే అమ్ముడుపోయింది.
ఈ ఏడాది ప్రారంభంలో హైదరాబాద్ నగరంలో ఫ్యాన్సీ టీజీ ప్లేట్ల వేలంలో ఆర్టీఏకు 30 లక్షల రూపాయలకు పైగా ఆదాయం వచ్చింది. మార్చిలో ఖైరతాబాద్‌లోని ఆర్టీఏ ప్రధాన కార్యాలయంలో జరిగిన కార్యక్రమంలో టీజీ సిరీస్‌ను విడుదల చేశారు. మొదటి నెంబర్ ప్లేట్ TG 09 0001ను వేలంలో రూ. 9.61 లక్షలకు కొనుగోలు చేశారు. TG 09 0909, 09 0005, 09 0002, 09 0369, 09 0007 నంబర్ ప్లేట్లను రూ. 2.30 లక్షలు, రూ. 2.21 లక్షలు, రూ. 1.2 లక్షలు, రూ. 1.20 లక్షలు, రూ. 1,07 లక్షలకు కొనుగోలు చేశారు. వేలం ద్వారా వచ్చిన మొత్తం ఆదాయం రూ.30,49,589.
తెలంగాణ ప్రభుత్వం ఈ ఏడాది ప్రారంభంలో ‘TS’ నుండి ‘TG’కి మార్చాలని నిర్ణయించింది. ఈ నిర్ణయం తర్వాత కొత్త వాహనం రిజిస్ట్రేషన్ కోసం దరఖాస్తు చేసుకున్న వాహన యజమానులకు TG నంబర్ ప్లేట్ అందుతుంది. ఇప్పటికే రిజిస్ట్రేషన్ చేసుకున్న వాహనాలను మార్చాల్సిన అవసరం లేదు.