కోట్ల వర్షం.. కోకాపేట్ లో

కోకాపేట్ లోని నియో పోలీస్ లే అవుట్ లోని 45.33 ఎకరాల భూమి కోట్లు పలికింది. ఒక్కో బిట్ ఒక్కో ధరతో కోట్ల వర్షం కురిసింది. ఈ భూముల వేలంలో ఆల్ టైం రికార్డ్ 100.75 కోట్ల మార్క్ దాటింది. ఓ బిట్ లోని ఎకరం భూమి ధర ఇంత పలకడంతో అందరూ అవాక్కవుతూ ఉన్నారు. అత్యల్పంగా ఎకరం భూమి 51.75 కోట్లు పలికిందంటే కోకా పేట్ లో భూముల ధరలు ఏ స్థాయిలో ఉన్నాయో అర్థం చేసుకోవచ్చు. ప్రభుత్వం నిర్ణయించిన కనీస ధర 35 కోట్లు కాగా.. పోటీ పడి మరీ భూమిని కొన్నారు. గతంలో కోకాపేటలో 49 ఎకరాల విస్తీర్ణంలోని ప్లాట్లను విక్రయించడం ద్వారా ప్రభుత్వానికి రెండువేల కోట్ల ఆదాయం వచ్చిన విషయం తెలిసిందే. అప్పుడు కనిష్టంగా ఎకరా రూ.31 కోట్ల నుంచి అత్యధికంగా రూ.60 కోట్ల రూపాయల ధర పలికింది. ఇప్పుడు అంతకంటే ఎక్కువే పలకడంతో రెండువేల నుండి రూ.2500 కోట్ల ఆదాయం ప్రభుత్వ ఖజానాకు సమకూరుతుందని హెచ్ఎండిఏ ఆశిస్తోంది.