Hyderababd : హైదరాబాద్ లో భారీ వర్షం.. తడిసి ముద్దయిన నగరం

భారీ వర్షం కురియడంతో రహదారుల్లో నీరు నిలిచిపోయింది. దీంతో వాహనదారులు ఇబ్బంది పడుతున్నారు. పలుచోట్ల ట్రాఫిక్ సమస్య ఏర్పడింది. వాహనాలు నెమ్మదిగా సాగుతున్నాయి. ఆదివారం కావడంతో పెద్దగా వాహనాల రద్దీ లేకపోవడంతో కొంత ఇబ్బంది లేకపోయినా అనేక చోట్ల ట్రాఫిక్ సమస్య ఏర్పడింది. లోతట్టు ప్రాంతాల్లో నీరు వచ్చి చేరడంతో జనం ఇబ్బందులు పడుతున్నారు. సెలవు దినం కావడంతో ప్రజలు తమ వాహనాలతో బయటకు రావడంతో వర్షంలో చిక్కుకుని ఇబ్బందులు పడుతున్నారు