Hyderabad : ఖైరతాబాద్ గణేశుడి శోభాయాత్ర ప్రారంభం

ఖైరతాబాద్ గణేశుడి శోభాయాత్ర ప్రారంభమయింది. ఉదయం ఆరు గంటలకే ఈ యాత్రను నిర్వాహకులు మొదలు పెట్టారు. పోలీసుల ఆదేశాల మేరకు నిన్న రాత్రి నుంచే ఖైరాతాబాద్ గణేశ్ వినాయకుడి నిమజ్జనానికి ఏర్పాట్లను స్టార్ట్ చేశారు. భారీ క్రేన్ సాయంతో గణేశుడి విగ్రహాన్ని ట్రాలీపైకి చేర్చి అనంతరం ఉత్సవ సమితి కమిటీ సభ్యులు హారతి ఇచ్చి శోభాయాత్రను ప్రారంభించారు. దాదాపు రెండున్నర కిలోమీటర్ల మేర ఈ శోభాయాత్ర కొనసాగనుందని నిర్వాహకులు తెలిపారు. 11 రోజుల పాటు పూజలందుకున్న మహాగణపతి నేడు గంగమ్మ ఒడికి చేరుకోనున్నారు.