‌‌Hyderabad : హైదరాబాదీలకు గుడ్ న్యూస్... ఇక ఏకంగా ఒంటి గంట వరకూ షాపింగ్

నైట్ షాపింగ్ కు అవకాశం లేకుండా పోయింది. ప్రధానంగా పాతబస్తీలోనూ హోటళ్లు, దుకాణాలు రాత్రి పదకొండు గంటలకే మూసి వేయాలని ఆదేశాలు జారీ చేయడంతో అనేక మంది నిరాశపడుతున్నారు. దూర ప్రాంతాల నుంచి వచ్చిన పర్యాటకులు సయితం రాత్రి వేళ షాపింగ్ ను ఇష‌్టపడుతుంటారు. కొద్ది రోజుల క్రితం వరస హత్యలు జరగడం, ఘర్షణలు చోటు చేసుకోవడంతో పోలీసులు గట్టి చర్యలు చేపట్టారు. పదకొండు గంటలు దాటిన తర్వాత రోడ్డు మీద కనిపిస్తే వారిపై చర్యలు తీసుకోవడం ప్రారంభించారు.

అయితే దీనిపై ఎంఐఎం నేత అక్బరుద్దీన్ ఒవైసీపీ అసెంబ్లీలో అసహనం వ్యక్తం చేశారు. తాను రాత్రి పదకొండు గంటల తర్వాత బయట తిరుగుతానని కేసులు పెట్టుకోవచ్చని అసెంబ్లీ సాక్షిగా సవాల విసిరారు. అమాయకులపై కేసులు పెట్టడాన్ని ఆయన అభ్యంతరం వ్యక్తం చేశారు. దీనికి స్పందించిన ముఖ్యమంత్రి రేవంత్ రెడ్డి అర్ధరాత్రి ఒంటి గంట వరకూ హైదరాబాద్ నగరంలో దుకణాలను తెరిచి ఉంచేందుకు అనుమతిస్తామని ప్రకటించారు. దీంతో వ్యాపార వర్గాలతో పాటు ముఖ్యంగా సాఫ్ట్‌వేర్ ఇంజినీర్లు, చిరు వ్యాపారులు, పాతబస్తీలోని యువకులు ఊపిరి పీల్చుకున్నారు.