ఇకపై అక్కడ క్వారంటైన్ సమయం 10 రోజులే.. నెగిటివ్ సర్టిఫికేట్ అక్కర్లేదు !

ఇప్పటి వరకూ అక్కడ క్వారంటైన్ సమయం 14 రోజులుగా ఉండగా.. ఇప్పుడు ఆ సమయాన్ని 10 రోజులకు కుదిస్తూ నిర్ణయం తీసుకుంది. ఈ విషయమై డీజీహెచ్ఎస్ ప్రతినిధి ప్రొఫెసర్ డాక్టర్ నజ్ముల్ ఇస్లాం మాట్లాడుతూ.. కరోనా పాజిటివ్ వచ్చినవారు 10 రోజులపాటు ఐసోలేషన్ లో ఉండాలని స్పష్టం చేశారు. 10 రోజుల తర్వాత కరోనా లక్షణాలు కనిపించకపోతే.. పాజిటివ్ వచ్చిన వ్యక్తులు.. తిరిగి తమ కార్యకలాపాలను కొనసాగించవచ్చని తెలిపారు. ఇప్ప‌టి వ‌ర‌కు కోవిడ్ నుంచి కోలుకున్న త‌ర్వాత తిరిగి విధుల్లో చేరాలంటే ఆర్టీ పీసీఆర్ టెస్ట్‌లో నెగిటివ్‌ సర్టిఫికేట్ తప్పనిసరిగా స‌మ‌ర్పించాల్సి ఉండ‌గా.. ఆ ఆదేశాల‌ను కూడా నిలిపిస్తున్న‌ట్టు వెల్ల‌డించారు.