పొలంలో పని చేస్తూ ఉండగా.. భారతీయుడిపై పడ్డ క్షిపణి

లెబనాన్ నుండి ప్రయోగించిన యాంటీ ట్యాంక్ క్షిపణి ఇజ్రాయెల్ ఉత్తర సరిహద్దు భాగంలోని మార్గాలియోట్ సమీపంలోని పండ్ల తోటలో పడింది. ఈ ఘటనలో ఒక భారతీయ జాతీయుడు మరణించగా, మరో ఇద్దరు గాయపడ్డారు. ముగ్గురు భారతీయులు కేరళకు చెందిన వారని నివేదిక పేర్కొంది. బాధితుడిని కేరళలోని కొల్లంకు చెందిన 31 ఏళ్ల పాట్ నిబిన్ మాక్స్‌వెల్‌గా గుర్తించారు. అతనికి ఐదేళ్ల కుమార్తె ఉంది. భార్య ప్రస్తుతం ప్రెగ్నెంట్. మాక్స్‌వెల్ రెండు నెలల క్రితమే ఇజ్రాయెల్‌కు వచ్చాడని.. దాడి జరిగిన సమయంలో పొలంలో పని చేస్తున్నాడని తెలిపారు. చనిపోయిన వ్యక్తితో సహా గాయపడ్డ మిగిలిన వారితో భారత ప్రభుత్వం సంప్రదింపులు జరుపుతూ ఉంది. నార్తరన్ ఇజ్రాయెల్ లోని వ్యవసాయ క్షేత్రంపై క్షిపణి దాడి జరిగింది. లెబనాన్ వైపు నుంచి దూసుకొచ్చిన మిసైల్ వ్యవసాయ క్షేత్రంలో పడడంతో భారీ పేలుడు సంభవించింది.