భారీ భూకంపం.. సునామీ హెచ్చరికలు జారీ

అమెరికాలోని అలస్కా సమీపంలో భారీ భూకంపం సంభవించింది. రిక్టర్ స్కేలుపై దానితీవ్రత 7.4గా నమోదైనట్లు అమెరికా జియోలాజికల్ సర్వే వెల్లడించింది. ఈ క్రమంలో అధికారులు సునామీ హెచ్చరికలు జారీ చేశారు. అలస్కా సమీపంలో 9.3 కిలోమీటర్ల లోతులో భూకంప కేంద్రాన్ని గుర్తించారు. అలస్కా ద్వీపకల్పం, అలూటియన్ దీవులు, కుక్ ఇన్ లెట్ ప్రాంతాల్లో భూ ప్రకంపనలు సంభవించినట్లు అలస్కా భూ కంప కేంద్రం వెల్లడించింది. ఈ ఘటనలో ప్రాణ, ఆస్తి నష్టానికి సంబంధించిన సమాచారం పై ఇంకా స్పష్టత లేదు.