అబుదాబిలో ఆలయాన్ని ప్రారంభించిన మోదీ

అబుదాబిలో ప్రధాని నరేంద్ర మోదీ హిందూ దేవాలయాన్ని ప్రారంభోత్సవం చేశారు. ఏడు వందల కోట్ల రూపాయల వ్యయంతో 27 ఎకరాల్లో నిర్మించిన ఈ ఆలయాన్ని నరేంద్ర మోదీ కొద్దిసేపటి క్రితం ప్రారంభించారు. అరబ్ దేశాల్లో అతి పెద్ద హిందూ ఆలయంగా దీనికి పేరుంది. ఈ ఆలయాన్ని ప్రారంభించేందుకు నిన్ననే ప్రధాని నరేంద్ర మోదీ యునైటెడ్ అరబ్ ఎమిరేట్స్ కు చేరుకున్నారు. బీఏ‌పీఎస్ సంస్థ ఈ ఆలయ నిర్మాణాన్ని చేపట్టింది. రాజస్థాన్, గుజరాత్ ల నుంచి రెండు వేల మంది కార్మికులను తీసుకెళ్లి ఆలయ నిర్మాణాన్ని చేపట్టారు.