పసిఫిక్ లో బద్దలైన భారీ అగ్నిపర్వతం.. సునామీ హెచ్చరికలు జారీ

ఈ అగ్నిపర్వతం విస్ఫోటన శబ్దాలు 8 నిమిషాల పాటు వినిపించాయి. 800 కిలోమీటర్ల దూరంలో ఉన్న ఫిజీ దీవుల్లోనూ ఈ విస్ఫోటనం శబ్దాలు వినిపించాయంటే.. దాని తీవ్రత ఎంతగా ఉందో అర్థం చేసుకోవచ్చు. అగ్నిపర్వతం పేలుడు ధాటికి పసిఫిక్ మహాసముద్ర తీరంలోని న్యూజిలాండ్, టోంగా, ఫిజీ వంటి దేశాలకు సునామీ హెచ్చరికలు జారీ అయ్యాయి. సముద్ర తీర ప్రాంతాల వాసులు తమ నివాసాలను వదిలి, ఎత్తయిన ప్రదేశాలకు చేరుకోవాలని పలు దేశాల్లో ప్రకటనలు జారీ అయ్యాయి.