భోళా శంకర్ కొత్త పాట అదిరిపోయింది

మెగాస్టార్ చిరంజీవి నటిస్తున్న 'భోళా శంకర్' కోసం అభిమానులు ఎంతగానో ఎదురుచూస్తూ ఉన్నారు. వేదాళ‌మ్ రీమేక్‌గా మెహర్‌ రమేశ్‌ డైరెక్షన్‌లో తెరకెక్కుతున్న ఈ చిత్రంలో మిల్కీ బ్యూటీ తమన్నా హీరోయిన్ గా నటిస్తోంది. ఈ చిత్రంలో చిరంజీవి సోదరిగా కీర్తిసురేశ్‌ కనిపించనుంది. మురళీ శర్మ, రఘుబాబు, రావు రమేశ్‌, వెన్నెల కిశోర్‌, పీ రవి శంకర్‌, ప్రగతి, శ్రీముఖి, బిత్తిరి సత్తి, రష్మీ గౌతమ్‌, ఉత్తేజ్‌ ఇతర కీలక పాత్రలు పోషిస్తున్నారు. ఈ చిత్రాన్ని ఆగస్టు 11న థియేటర్లలో గ్రాండ్‌గా విడుదల చేయనున్నట్టు ఇప్పటికే మేకర్స్‌ ప్రకటించారు‌. మ్యూజిక్ డైరెక్టర్ రాక్ స్టార్ దేవిశ్రీ ప్రసాద్ చేత భోళా శంకర్ సినిమాలోని పాటను రిలీజ్ చేస్తున్నట్టుగా ముందుగా కన్ఫర్మ్ చేశారు. ఈ సినిమాకి ముందే మెగాస్టార్ చిత్రం “వాల్తేరు వీరయ్య” చిత్రానికి దేవిశ్రీ ప్రసాద్ సంగీతం అందించిన సంగతి తెలిసిందే..!