Ramarao On Duty నుంచి ఫస్ట్ సింగిల్ విడుదల
బుల్ బుల్ తరంగ్ లిరికల్ వీడియోను రిలీజ్ చేశారు. ఈ పాటను సిద్ శ్రీరామ్ పాడటం ప్లస్ పాయింట్ అనే చెప్పాలి. సిద్ ఏ పాట పాడినా..
హైదరాబాద్ : మాస్ మహారాజా రవితేజ హీరోగా రూపొందుతున్న తాజా సినిమా రామారావు ఆన్ డ్యూటీ. ఈ సినిమా షూటింగ్ తుదిదశకు చేరుకుంది. ఈ ఏడాది జూన్ లో సినిమాను విడుదల చేసేందుకు మేకర్స్ సిద్ధమవుతున్నారు. శరత్ మండవ దర్శకత్వంలో తెరకెక్కుతోన్న ఈ సినిమాలో రవితేజ సరసన రజిషా, మజిలీ ఫేం దివ్యాంశ కౌశిక్ లు నటిస్తుండగా.. కీలక పాత్రలో సీనియర్ నటుడు వేణు తొట్టెంపూడి నటిస్తున్నారు. తాజాగా రామారావు ఆన్ డ్యూటీ నుంచి ఫస్ట్ సింగిల్ ను విడుదల చేశారు మేకర్స్.
బుల్ బుల్ తరంగ్ లిరికల్ వీడియోను రిలీజ్ చేశారు. ఈ పాటను సిద్ శ్రీరామ్ పాడటం ప్లస్ పాయింట్ అనే చెప్పాలి. సిద్ ఏ పాట పాడినా.. అది ఖచ్చితంగా హిట్ అవుతుంది. సిద్ పాడిన ఈ మెలోడీ కూడా వినడానికి చాలా బాగుంది. రజీషాపై రవితేజకు ఉన్న ప్రేమనంతా తన లిరిక్స్‌తో తెలియజేశాడు రాకేందు మౌళి. సామ్‌ సీఎస్‌ అద్భుతమైన సంగీతాన్ని అందించారు. కాగా.. ఈ ఏడాది ఖిలాడితో బాక్సాఫీస్ వద్ద బోల్తాపడిన రవితేజ.. రామారావు ఆన్ డ్యూటీతో ఖచ్చితంగా హిట్ కొట్టాలన్న కసితో ఉన్నాడు.