కలెక్షన్ల వర్షం కురిపించాలంటే కోట్ల రూపాయల ఖర్చు పెట్టి సినిమాలు తీయాల్సిన అవసరం లేదని నిరూపించిన సినిమా 'కాంతారా'. హిట్ టాక్ తో ఈ సినిమా భాషలతో సంబంధం లేకుండా దూసుకుపోతూ ఉంది. ముఖ్యంగా 'భూతకోలా' అంటే ఏమిటో ఈ కాలం ప్రజలకు తెలియజేసింది. రిషబ్‌శెట్టి స్వీయ దర్శకత్వంలో తెరకెక్కిన ఈ చిత్రం కర్ణాటకలోని ఆదివాసీ సంస్కృతిని, సంప్రదాయాన్ని, భూతకోల నృత్యకారులను తెరపై చూపించిన తీరు ప్రేక్షకుల్ని ఆకట్టుకుంటోంది. ఈ చిత్రం విషయం కర్ణాటక ప్రభుత్వం కీలక నిర్ణయం తీసుకుంది. 60ఏళ్లు దాటిన భూతకోల నృత్యకారులకు ఆర్థికసాయం చేయనున్నట్లు తెలిపింది. అర్హులైన వారికి నెలకు రూ.2000 చొప్పున అందించనున్నట్లు ప్రకటించింది. ఈ విషయాన్ని బెంగళూరు సెంట్రల్‌ ఎంపీ పీసీ మోహన్ ట్విటర్‌ వేదికగా వెల్లడించారు. "Adoring Daivas, dance, and divine intervention. The BJP-led #Karnataka government has announced a Rs 2,000 monthly allowance for 'Daiva Narthakas' above 60 years of age. Bhoota Kola, a spirit worship ritual depicted in the movie #Kantara is part of Hindu Dharma. @shetty_rishab" అంటూ పోస్టు పెట్టారు.