పునీత్ రాజ్ కుమార్ పేరిట ఉపగ్రహం.. విద్యార్థులే రూపకర్తలు

పునీత్ పేరిట శాటిలైట్ ను రూపొందించనున్నట్లు కర్ణాటక రాష్ట్ర ఐటీబీటీ శాఖ మంత్రి అశ్వత్థనారాయణ ప్రకటించారు. బెంగళూరులోని ప్రముఖ పీయూ కాలేజీలో జరిగిన ఓ కార్యక్రమంలో ఆయన మాట్లాడుతూ.. ఉపగ్రహ తయారీ కోసం ప్రభుత్వం తరపున రూ.1.90 కోట్లను ఖర్చు చేయనున్నట్లు తెలిపారు. విద్యార్థుల తోనే ఈ ఉపగ్రహాన్ని తయారు చేయిస్తామని పేర్కొన్నారు. 50 కిలోల శాటిలైట్ ను రూపొందించేందుకు రూ. 50 నుంచి 60 కోట్లు ఖర్చు అవుతుందని చెప్పిన అశ్వత్థనారాయణ.. కిలో బరువున్న శాటిలైట్ ను విద్యార్థులు రూ.1.90 కోట్ల ఖర్చుతో రూపొందిస్తారని తెలిపారు. ఈ ప్రాజెక్టులో 20 పాఠశాలలకు చెందిన విద్యార్థులు భాగస్వాములవుతారని మంత్రి వెల్లడించారు.