సుకుమార్ పై మహేష్ సెటైర్స్..!

సూపర్ స్టార్ మహేష్ బాబు – సుకుమార్ కాంబినేషన్ లో ఓ సినిమా రావాల్సి ఉంది కానీ కొన్ని కారణాలు వల్ల ఆ సినిమా ఆగిపోయింది. సుకుమార్ ఓ కథకు సంబంధించి కొన్ని వర్షన్స్ వినిపించినా మహేష్ కి అవి నచ్చకపోవడంతో అలా వాళ్ల కాంబినేషన్ లో సినిమా సెట్స్ మీదకు వెళ్లలేకపోయింది. అయితే అదే కథను సుకుమార్.. అల్లు అర్జున్ దగ్గరకు తీసుకొని వెళ్లి ఓకే చేయించుకున్నాడు. అయితే ఈ ఎపిసోడ్‌ని మ‌హేష్ అభిమానులతో పాటు మహేష్ కు కూడా మర్చిపోలేదు. మరోసారి ఆ ఎపిసోడ్‌ని మహేష్ గుర్తుచేసుకున్నాడు. మహేష్ లేటెస్ట్ మూవీ 'మ‌హ‌ర్షి' ప్రీ రిలీజ్ ఫంక్ష‌న్‌లో ఇన్ డైరెక్ట్ గా, ఆ మాట‌కొస్తే డైరెక్ట్‌ గానే మ‌హేష్ సుకుమార్‌పై సెటైర్ వేసేశాడు. డైరెక్టర్ వంశీని పొగిడేస్తూనే మరోపక్క సుకుమార్ పై సెటైర్ వేసాడు.

సుకుమార్ ను ఇన్ డైరెక్ట్ గా అన్న మహేష్

“వంశీ నా దగ్గరకు కథ చెప్పడానికి వస్తున్నప్పుడు ఒక 10 నిముషాలు విని నాకు కొన్ని కమిట్ మెంట్స్ ఉన్నాయని చెప్పి పంపేద్దాం అనుకున్నానని కానీ కథ బాగా నచ్చడంతో ఫుల్ స్క్రిప్ట్ విన్న తరువాత… నాకు మ‌రో రెండు సినిమాల వ‌ర‌కు చేయ‌డం కుద‌ర‌దు అని చెప్పా. పర్లేదు సార్ మీ కోసం ఎంత‌కాల‌మైనా ఎదురుచూస్తా ఇది మీ కోసమే అనుకున్న కథ అని అన్నాడు వంశీ. ఈ రోజుల్లో అలా ఒక హీరో కోసం ఎదురుచూడ‌డం చాలా క‌ష్టం. కనీసం రెండు నెల‌లు కూడా డైరెక్టర్స్ ఓ హీరో కోసం ఎదురుచూడ‌లేక‌పోతున్నారు. ఆ క‌థ ప‌ట్టుకుని మ‌రో హీరో ద‌గ్గరకు వెళ్లిపోతున్నారు” అంటూ సుకుమార్ ఎపిసోడ్‌ని గుర్తు చేశాడు మ‌హేష్‌. ప్రస్తుతం మహేష్ చేసిన కామెంట్స్ వైరల్ అవుతున్నాయి.