అది హిట్టే… ఇదే ఫట్టు

దర్శకుడు మారుతీ నిర్మాణంలో సుధీర్ బాబు – నందిత జంటగా తెరకెక్కిన ప్రేమ కథా చిత్రం హర్రర్ కామెడీగా సాలిడ్ హిట్ కొట్టడమే కాదు.. ఇప్పటికి బుల్లితెర మీద ప్రేమ కథ చిత్రాన్ని ప్రేక్షకులు ఆదరిస్తూనే ఉన్నారు. మారా ప్రేమ కథా చిత్రానికి సీక్వెల్ గా సుమంత్ అశ్విన్ నందిత శ్వేతా – సిద్ధి ఇద్నానీ జంటగా తెరకెక్కిన ప్రేమ కథ చిత్రం 2 నిన్న ఉగాది కానుకగా విడుదలైంది. మరి ప్రేమ కథ చిత్రం ని దృష్టిలో పెట్టుకుని థియేటర్ కి ప్రేమ కథ చిత్రం 2 చూడడానికి వెళ్లిన ప్రేక్షకుడికి ఆ సినిమా చూసి దిమ్మ తిరిగి మైండ్ బ్లాంక్ అయ్యింది అంటే ఆ సినిమా ఎలా ఉందొ మీకీపాటికే అర్ధమై ఉంటుంది.

ఇక ప్రేమ కథ చిత్రం 2 కథలోకి అలా అలా వెళితే… సుమంత్‌ అశ్విన్‌ (సుధీర్) డిగ్రీ చదువుతుంటాడు. అదే కాలేజీలోనే చదువుతున్న సిద్ధి ఇద్నానీ (బిందు) సుధీర్‌ని ప్రేమిస్తుంది. సుధీర్‌నో చెప్పడంతో మనస్తాపానికి గురై, ఆత్మహత్య చేసుకోవాలనుకుంటుంది. కానీ సుధీర్ మాత్రం తాను వేరే అమ్మాయిని ప్రేమించానని…. తననే పెళ్లి చేసుకుంటానని బిందుతో చెప్తాడు సుధీర్‌. ఈలోగా సుధీర్‌కి ఇంట్లో ఓ సంబంధం ఖాయం చేస్తారు. నందిత శ్వేత (నంద )తో పెళ్లి చేయాలని పెద్దలు నిర్ణయం తీసుకుంటారు. ఈలోపు సుధీర్‌ అనుకోకుండా ఓ ఫామ్‌ హౌస్‌కి వెళ్తాడు. అక్కడ సుధీర్ కి రకరకాల అనుభవాలు ఎదురవుతుంటాయి. అసలు సుమంత్ కి అక్కడ ఎదురైన సంఘటనలు ఏమిటి? ఇంతకీ నందినికి పట్టిన ఆత్మ ఎవరిది? చిత్రకి బిందుకి ఉన్న లింకేంటి? నందినికి పట్టిన దెయ్యాన్ని ఎలా వదిలింది? సుధీర్, నందినిలు ఒక్కటయ్యారా లేదా? అనేది ప్రేమకథ చిత్రం 2 మిగతా కథ.

సీన్ కి సీన్‌కి కంటిన్యుటీ లేకుండా లాజిక్ లేని స్క్రీన్ ప్లేతో కథను నడిపించాడు దర్శకుడు. కథతో పాటు పాత్రల్ని కూడా కన్ఫ్యూజ్ చేస్తూ.. అసలు దెయ్యం ఎవరు…. ఎవరి ఆత్మ ఎవర్ని ఆవహించింది… అనే ఆందోళలతో తికమకపెట్టాడు. ఫామ్‌ హౌస్‌లోకి కథ ఎంటర్‌ అయిన తరవాతైనా, సినిమా జోరందుకుంటుందనుకుంటే అదీ ఉండదు. రాత్రి సమయంలో దెయ్యం రావడం, మిత్రబృందం భయపడడం ఇవి అటు భయాన్నీ, ఇటు వినోదాన్నీ ఇవ్వలేకపోయాయి. సెకండ్ హాఫ్ లో కథనం మరింత నెమ్మదిస్తుంది. లాజిక్‌ లేని కథ, కథనాలు మరింత బోర్‌ కొట్టిస్తాయి. తీరా క్లైమాక్స్ రీజనబుల్ అనేపించే ట్విస్ట్ ఏమైనా ఉందా అంటే.. దెయ్యంలో మేలుకొలుపు రప్పించి ప్రేక్షకులను పిచ్చివాళ్లను చేసాడు. ఈలెక్కన మరి ప్రేమకథ చిత్రం హిట్ అయితే.. ప్రేమకథా చిత్రం 2 ఫట్ అన్నమాట