విమానాలకు బాంబు బెదిరింపులు

ముంబయి నుంచి న్యూయార్క్‌కు వెళుతున్న ఎయిర్‌ ఇండియా విమానానికి బాంబు బెదిరింపు వచ్చింది. దీంతో ఆ విమానాన్ని అత్యవసరంగా ఢిల్లీ ఎయిర్ పోర్టులో దించేశారు. ముంబయి నుంచి బయలుదేరి విమానానికి గాల్లో ఉండగానే ఈ బెదిరింపులు రావడంతో వెంటనే అలెర్ట్ అయి విమానాన్ని దారి మళ్లించి ఢిల్లీ ఎయిర్ పోర్టులో ల్యాండ్ చేసి తనిఖీలు చేస్తున్నారు. ఈ విమానంలో మొత్తం 239 మంది ప్రయాణికులున్నారు. అయితే తనిఖీల్లో ఎలాంటి బాంబు లేదని, ప్రయాణికులతో పాటు సిబ్బంది మొత్తం సురక్షితంగా ఉన్నారని అధికారులు పేర్కొన్నారు.