ప్రేమికుల పెళ్లితో కరెంటు కోత కథ సుఖాంతం

కొందరు ప్రేమికులు.. తమ ప్రేమను గెలిపించుకోడానికి ఎంతకైనా తెగిస్తారు. ప్రేమికులను కలుసుకునేందుకు నానా పాట్లు పడుతుంటారు. అలా ఓ ప్రేమజంట ఎవరికంట పడకుండా కలుసుకునేందుకు ఓ ప్లాన్ వేసింది. అదే కరెంట్ కట్. రోజూ రాత్రయితే చాలు.. ఒకే సమయంలో ఊరంతా కరెంట్ పోతుంది. కొంతకాలంగా ఆ గ్రామంలో రాత్రయితే అంధకారం అలుముకుంటోంది. పైగా.. రెండు బైక్ లు, కరెంట్ మోటార్లు కూడా మాయమయ్యాయి. గ్రామస్తులకు అనుమానం కలిగి.. ఓ రోజు మాటువేసి మరీ ఆ కరెంట్ కట్ చేస్తున్న దొంగల్ని పట్టుకున్నారు. తీరా చూస్తే వాళ్లిద్దరూ.. ఏకాంతంలో ఆనంద డోలికల్లో మునిగితేలుతున్నారు. ఈ ఘటన బీహార్ లోని బేతియా జిల్లా నౌతన్ పోలీస్ స్టేషన్ పరిధిలోని ఓ గ్రామంలో ప్రతిరోజూ జరుగుతున్న తతంగమిది.