గవర్నర్ వద్దకు నితీష్.. అందుకేనా?

బీజేపీతో తెగదెంపులకు నితీష్ కుమార్ సిద్ధమవ్వడంతో కేబినెట్ లో ఉన్న 16 మంది బీజేపీ మంత్రులు రాజీనామా చేయనున్నారు. అయితే చివరి ప్రయత్నంగా నితీష్ కుమార్ తో అమిత్ షా మాట్లాడినట్లు తెలిసింది. అయినా నితీష్ మాత్రం బీజేపీ నుంచి విడిపోయేందుకే సిద్ధమయ్యారు. ఆర్జేడీ, కాంగ్రెస్ పార్టీలతో కలసి నితీష్ ప్రభుత్వాన్ని ఏర్పాటు చేసే అవకాశముందని కూడా చెబుతున్నారు. ఇప్పటికే ఆర్జేడీ, కాంగ్రెస్ లు నితీష్ కు తమ మద్దతును ప్రకటించాయి. ఆయన ప్రభుత్వాన్ని ఏర్పాటు చేస్తే తాము మద్దతిస్తామని తెలిపాయి.