ముంబైలో టెన్షన్.. కేంద్రం కీలక నిర్ణయం

mumbai : మహారాష్ట్రలో జరుగుతున్న పరిణామాలపై కేంద్ర ప్రభుత్వం కీలక నిర్ణయం తీసుకుంది. 15 మంది శివసేన రెబల్ ఎమ్మెల్యేలకు వై ప్లస్ కేటగిరీ భద్రత కల్పించింది. సీఆర్పీఎఫ్ సిబ్బందితో భద్రతను కల్పించింది. రెబల్ ఎమ్మెల్యేల ఆస్తులను శివసైనికులు ధ్వంసం చేస్తుండటంతో వారికి భద్రత కల్పించాలని నిర్ణయించింది. ఇప్పటికే ఐదుగురు రెబల్ ఎమ్మెల్యే ఇళ్లపై దాడికి దిగారు. ఈరోజు శివసేన కార్యకర్తలు నిరసన ర్యాలీని నిర్వహిస్తున్నారు. ఆదివారం కావడంతో శివసేన కార్యకర్తలందరూ ర్యాలీగా పార్టీకి చేరుకుంటున్నారు. రెబల్ ఎమ్మెల్యేలు ముంబయి వస్తే తమ తడాఖా చూపిస్తామంటున్నారు.