ప్రకాష్ రాజ్ పై కేసు నమోదు

భారత అంతరిక్ష పరిశోధనా సంస్థ (ఇస్రో) ప్రతిష్టాత్మకంగా చేపట్టిన చంద్రయాన్-3 మిషన్ పై ప్రకాష్ రాజ్ సోషల్ మీడియాలో పెట్టిన వివాదాస్పదం అయింది. ఆయన చేసిన సోషల్ మీడియా పోస్ట్‌పై తీవ్ర విమర్శలు రాగా.. కర్ణాటకలోని బాగల్‌కోట్ జిల్లా పోలీస్ స్టేషన్‌లో కేసు నమోదు చేసినట్లు పోలీసులు మంగళవారం తెలిపారు. చంద్రయాన్-3 పై ప్రకాష్ రాజ్ పోస్టు పెడుతూ.. ఒక వ్యక్తి చొక్కా లుంగీ ధరించి టీ పోస్తున్నట్లు ఉన్న ఒక కార్టూన్ ట్వీట్ చేశాడు. 'చంద్రుడి నుండి వస్తున్న మొదటి చిత్రం' అని ఎగతాళి చేశాడు. దీనిపై కర్ణాటక రాష్ట్రంలో ఫిర్యాదు చేయడంతో కేసు నమోదైంది. "చంద్రయాన్-3 మిషన్‌పై పోస్ట్ చేసినందుకు నటుడు ప్రకాష్ రాజ్‌పై ఫిర్యాదు నమోదైంది. హిందూ సంస్థల నాయకులు ప్రకాష్ రాజ్ పై బాగల్‌కోట్ జిల్లా బనహట్టి పోలీస్ స్టేషన్‌లో ఫిర్యాదు చేశారు. చర్యలు తీసుకోవాలని డిమాండ్ చేశారు" అని ANI నివేదించింది.