క్యాంప్ నకు చేరుకున్న కాంగ్రెస్ అభ్యర్థులు

గోవాలో 2017లో జరిగిన ఎన్నికల్లో కాంగ్రెస్ పార్టీ 17 స్థానాలను గెలిచినా అధికారానికి దూరం కావాల్సి వచ్చింది. పార్టీ శాసనసభ్యులను బీజేపీ మచ్చిక చేసుకుని ప్రభుత్వాన్ని ఏర్పటు చేసింది. చివరకు 17 నుంచి ఇద్దరికి ఆ సంఖ్య చేరుకుంది. అప్పట్లో దిగ్విజయ్ గోవా కాంగ్రెస్ ఇన్ ఛార్జిగా ఉండేవారు. ఇది జరిగిన వెంటనే ఆయనను ఆ పదవి నుంచి అధిష్టానం తప్పించింది. ఇప్పుడు మరోసారి అటువంటి అవకాశం ఇవ్వకుండా ముందుగానే తన అభ్యర్థులను కాంగ్రెస్ నాయకత్వం క్యాంప్ నకు తరలించింది.