Rahul Gandhi : మణిపూర్ టు ముంబయి.. మరో యాత్రకు రాహుల్ రెడీ

అంటే రాహల్ గాంధీ బస్సు, పాదయాత్ర ద్వారా దీనిని పూర్తి చేయనున్నారు. మణిపూర్ లో జనవరి 14వ తేదీన ప్రారంభమయ్యే ఈ యాత్ర మార్చి 20న ముంబయిలో ముగిసేలా ప్లాన్ చేశారు. మొత్తం 6,200 కిలోమీటర్ల మేర యాత్ర పాదయాత్ర కొనసాగనుంది. రాహుల్ గాంధీ ప్రజల్లో మమేకమవుతూ ఈ యాత్రలో పలు వర్గాల ప్రజలను కలుసుకోనున్నారు. వారి సమస్యలను అడిగి తెలుసుకోనున్నారు. తాము అధికారంలోకి వస్తే వారి సమస్యలకు పరిష్కారం చూపుతామని హామీ ఇవ్వనున్నారు.

ఈ యాత్ర పథ్నాలుగు రాష్ట్రాల్లో 85 జిల్లాల నుంచి వెళుతుంది. యాత్ర ప్రారంభమయ్యే మణిపూర్ లోనూ, ముగించే ముంబయిలోనూ భారీ బహిరంగ సభలను ఏర్పాటు చేయాలని నిర్ణయించారు. వీటితో పాటు కార్నర్ మీటింగ్ లతో పాటు అనేక వర్గాల ప్రజలతో సమావేశమవుతారని పార్టీ వర్గాలు వెల్లడించాయి. గతంలో రాహుల్ గాంధీ నిర్వహించిన భారత్ జోడో యాత్ర కన్యాకుమారి నుంచి కాశ్మీర్ వరకూ కొనసాగించిన సంగతి తెలిసిందే. దీనికి కొనసాగింపుగా ఈ భారత్ న్యాయయాత్ర చేయనున్నారు. అందుకు ఏర్పాట్లు ప్రారంభమయ్యాయి.