కరోనా కాలర్ ట్యూన్ కు స్వస్తి!

ఈ అంశంపై కేంద్ర ఆరోగ్య శాఖకు టెలీకమ్యూనికేషన్ల విభాగం నిన్న ఓ లేఖ రాసింది. సెల్యులర్‌ ఆపరేటర్ల సంఘంతో పాటు మొబైల్‌ వినియోగదారుల నుంచి కాలర్‌ ట్యూన్‌ నిలిపివేయాలని విజ్ఞప్తులు వచ్చాయ‌ని అందులో పేర్కొంది. ఈ నేప‌థ్యంలో వాటిని నిలిపివేయాల‌న్న అంశాన్ని కేంద్ర స‌ర్కారు పరిశీలిస్తోందని తెలిసింది. క‌రోనా కాలర్‌ ట్యూన్స్‌ కారణంగా అత్యవసర సమయాల్లోనూ ఫోన్‌కాల్‌ మాట్లాడటంలో ఇబ్బందులు త‌లెత్తుతున్నాయ‌ని ప్రజల నుంచి కూడా త‌మ‌కు విజ్ఞప్తులు అందాయ‌ని దీంతో కేంద్రం ప్రభుత్వం దీనిపై ఆలోచిస్తున్నట్లు ప్ర‌భుత్వ‌ అధికార వర్గాలు పేర్కొన్నాయి.