విద్యాసంస్థల్లో కరోనా టెన్షన్.. 72 గంటల్లో వందమందికి

తాజాగా కర్ణాటకలోని మరో విద్యాలయంలో పదుల సంఖ్యలో విద్యార్థులకు పాజిటివ్ గా నిర్థారణ అయింది. కర్ణాటకలోని చిక్ మంగళూరు జిల్లాలో గల జవహార్ నవోదయ విద్యాలయంలో 59 మంది విద్యార్థులకు, 10 మంది సిబ్బందికి కోవిడ్ పాజిటివ్ గా తేలింది. దీంతో వీరందరినీ ఐసోలేషన్ చేసి చికిత్స అందజేస్తున్నట్లుగా ఆ జిల్లా ఆరోగ్య అధికారి తెలిపారు. అలాగే వారంరోజుల క్రితం కర్ణాటకలోనే ఉన్న ధర్వాడ్ జిల్లాలో మరో 306 మంది విద్యార్థులకు కరోనా సోకింది. రెండు డోసుల కోవిడ్ వ్యాక్సినేషన్ తీసుకున్నప్పటికీ.. భారీ సంఖ్యలో కోవిడ్ కేసులు నమోదుకావడం ఆందోళన కలిగిస్తోంది. రెండ్రోజుల వ్యవధిలో తెలంగాణ, కర్ణాటకల్లోని విద్యాసంస్థల్లో 100కి పైగా పాజిటివ్ కేసులు నమోదు కావడం గుబులు రేపుతోంది